【先見到醫院、跟住係學校、精神病院，最後到Nunnery，其實其前身係Physical Hospital】
原本都知三月尾到來就一定會撞上「F1賽事」，
難預訂Hostel 早就知道，所以已經選擇遠離市中心，
（當然價錢係相宜）
但結果比想像中來得差更多...棋差一著！
落機後乘Skybus到Southern Cross，
原本只要轉搭Shuttle Bus就可以直達Hotel/Hostel，
理應不會有大問題...
點知Shuttle Bus Check-in嘅接待員表示已經不再經營此線，
並指示怎樣行去Nunnery 嘅路徑！（心涼了一半）
當時我背著70L嘅背囊（大概11kg），手拖著一個半爛嘅20吋小喼，
這可算是我第一次真正試驗這背囊嘅時候！（特此多謝阿流推介）
如果唔係這個背囊，我就真係好似Jerry所講“唔駛做人” ﹣死得！
當你知道路徑係由市中心尾到頭，你就知道這段路嘅辛苦，
每個街口位，都依靠小喼來休息一下，足足過了八個街口位！！
辛苦撐到Nunnery...之後真係一言難盡....
入到房有個英式樣金髮男孩，半起身狀態，
用聚唔到焦嘅眼光似望非望咁望住你，好似吃咗藥嘅人咁，
你執拾嘅過程中，佢嘅姿勢都係咁....
（後來傾咗一兩句，原來佢係來自英國，來咗工作半年）
而其他人就如二次大仗般...雜物好亂...
十二人嘅大房...睡覺時看著大扇頁的風扇轉著，
好似到咗...監獄～
其實除了床下好嘈嘅英國女孩、星期一嘅深夜音樂交流等等...
這些都唔算係問題....
問題係發生在“床”上，原本蓋床單時都聞到異味，
心諗蓋實啲問題應該不大，
後來已經聞到床下已經有人在噴香水，
睡到深夜...我終於搵到原頭...原來係「被褥」，
其實這個就是有人在被褥撤尿的味，
深夜了，想嘈都嘈不了，只能一腳踢去床尾！
把褸蓋在上身就睡了！
但怪事就發生，第二朝早上我竟然蓋著了被子，
感覺上冇了那味道！（其實後來執野走時這張被都係有些）
在我換衫時，有人走入來貼了張“Big Clean”嘅Memo，
大概我知道發生了咩事....
我接住立即去了City Library在網上急忙搵了Share House，
慶幸有人回覆，終於可以逃離這裡！
還記得回去執拾時，四、五個女生如哭喪的臉...
（其實這間房的人有七、八個都是長期租戶，
所以很多雜物都是亂放，亦都不是一、兩個喼可以收完）
我...只可以木著臉執野....速逃！
都估都還有幾天的租金冇得退還，不過好過繼續在這裡...
現在在墨爾本東邊的Doncaster，
匆忙過去時仲要搭了一乘冇俾錢嘅巴士，多謝巴士司機！
明天要記得去買張metlink先！
這裡終於可以像樣很多，屋主叫Amy！
同住的都是台灣人和兩個香港女孩，
聽說星期四會來多一個香港女孩！
不過屋主Amy確實是一位好人，深夜都帶我去超市，
更教我去購入平價食物...牛扒和牛奶，仲有公仔面麵！
我終於唔駛再食$6AUD嘅BungerKing Cheese Bunger！
