《葉問》

原本以為《葉問》個格局會同《霍元甲》差唔多，估唔到其實都好唔同吓！
前半節輕鬆，有笑位！後半節故事卻變得凝重！
前半段所表達「學武不學德，其拳不堅」，
而後半段則表達「學德不修心，其志必短」！
1937年，戰爭將很多事情改變了，包括社會、人生...同志向！
葉問一句：「我只不過係一個普通的中國人」，就係表達出戰亂下的志氣！

而甄子丹，真可以用一句「遲來的宗師」來總結他的表現！
論功夫，他本應可以同李連杰同儕，不過他卻總是「時不與我」，
甄子丹總是帶著幾分的傲氣，給人總是未言先囂的感覺！
不過《葉問》裡的甄子丹，卻演繹出沉實穩重的大師氣派，
抛棄了以前那種浮誇的演技，確實進步了不少！

其實戲中各個角色都交出戲分，
包括柔聲柔氣的任達華、忍辱偷生的林家棟和粗聲粗氣的樊少皇！
熊黛林的演技雖不突出，不過卻很注目，
導演葉偉信對人物細緻的捕足，應記一功！
開場的食飯戲，熊黛林的眼神交代，可見葉偉信敘事能力簡明意核！

一齣包含很多原素的戲！

黑仔

估唔到著襪都會俾蜜蜂針...不過好彩都學到好多野！

第一　當你俾蜜蜂針到的時候，唔好去診所，直接就去醫院！
　　　因為診所只會同你講：「我哋檢查唔到有冇毒，走啦！去醫院啦！」
　　　（咁你都同我睇睇啦！就咁踢我走！！！）

第二　政府急症室早到都冇用，六點到都冇得睇！八點半先開始應診！！
　　　真係唔明咁叫咩急症室，哎~~~

第三　原來被蜜蜂針到，有敏感嘅人先會有事，
　　　有事會頭半個鐘頭內已經會知道（頭暈、口吐白沫）！
　　　普通個案醫生都只能幫病人拔咗支針，冇咩可以做到，
　　　所以我之前等果兩個幾鐘，由好痛等到唔痛！
　　　跟本就唔需要去睇醫生，只係白等！！！

今次我真係獲益不淺！

《海角七號》

「無樂不作，人生幾何！」

電影裡每個人都有著種種不同問題，
主角阿嘉失意於台北樂團，
郵差阿茂年老、腳傷，彈奏月琴又無人理會，
田雞(台灣原為水蛙)暗戀有夫之婦，對老板娘的愛永遠得不到回報，
大大是單親家庭下長大的孩子，
勞馬是一個面對妻離、傷患的交通警，
馬拉桑被派到鄉下做開荒牛的營業員，
女主角友子則是被騙留在台灣，當上了音樂會搞手，
仲有大大的媽媽(林曉培)、六十年前的友子...

突然想起蕭若元在電台上講過的一番話 --「人生超過八成時間係面對挫折」
因為只要繼續生活，生活就注定要去挫敗大家！
惟有學習放下自身，換個角度走下去，有時「無樂不作」吓，又何況，
喜歡戲中口琴、口風琴、月琴、細鼓合奏的「國境之南」，
胡鬧一下又何況，胡鬧一下人生又有何不可！

喜歡奸奸地的大大，會摵細路屁股！
喜歡田雞那股傻勁，笑得勁似華哥(舊同事)！
喜歡阿茂那種好似深蕆不露，其實扮晒野個樣！
喜歡馬拉桑為業務，不懂面子的衝勁！
喜歡勞馬對以前的悔疚，對妻子的思念！
喜歡...好喜歡他們的生活...

勇氣之珠(mananigai)象徵「勇氣與榮耀」，這就是人生所需要的...

美麗．人生 Bella

《美麗．人生》原本以為係講墮胎的電影，其實卻回歸人生基本步﹣﹣人與人之間的關係！
我們因為生活而忘記了人生中應該最重要的，逃避就漸漸成為了我們的本能，
面對責任，女主角Nina就係選擇了最自私的方法「墮胎」，
不過，命運總是迫使人們面對自身，面對成長的缺陷。

Jose要打開心結，才能從自責中贖罪。
Nina同樣要打開久而封塵的記憶，才可以勇敢面對「母女」的枷鎖。

生命到來，總是有其原因！
親人的關係，並不是言語間可以描述，並不是養子定親生子分別，
親人是無償地付出，就算闖出了離天大禍，親人總是無私地包容，
撞撞手臂，笑一笑，中間已沒有仇恨，這個就是親人！


Bella，西班牙文，「美麗」。

祝願一切安好！

祝願一切安好！

冬菇亭．後續

之前以為變涼亭的冬菇亭，原來大改裝後變返間新大排檔，
雖然兩間大排檔叫「武記」同「林記」，不過裡面卻係同一間、同一個佬細，
收錢、食物都係大家一樣，所以直呼「老林」(武林)就最貼切！

不過間野就怪怪地，由早餐、飲茶、西餐、燒味、小炒到打邊火爐樣樣都有，
不過就唔係樣樣得，打邊爐就料少、爐耐、價錢貴！
早餐質數就同隔鄰間大排差唔多，不過就收貴啲，
鬼叫呢頭冇咩餐廳，真係俾佢賺晒！



原本以為舊事舊物都會慢慢被拆毀，記憶應該會慢慢退色，
有時舊物新貌又何嘗不可，生活又可以熱鬧起來，
忘記了舊的東西，才可以再次起步！！

日子

滴著淚兩行，輕走苦樂人間，
回頭嘆奈何，已過悲歡離合。

《20世紀少年》

《20世紀少年》估唔到咁快就改編為電影，
只係眨眼之間又過咗咁多個年頭，
談返起八十年代，總是令我這個老人家回憶太多...
片尾的「賢知之歌」更叫我開始追索起回憶來...

八十年代...
想起了放學後，屋村總會傳出來的陣陣飯香味，
站在班房的走廊時，會聽到遠方傳來的爆石聲，
學校門外，聚集起一、兩檔販賣零食的小販，
賣著橡皮糖、手揸的造形糖...夏天時候，更會有檔販賣「金絲貓」的。

閉上雙眼，會聽到很吵的蟬聲，
挖起草叢堆中的泥土，會發現很多的蝸牛，
把蝸牛帶返家中，放在廁所的洗手盤上，不多久就活得成了...
街對面的臨時木屋區，有檔「長江士多」，
舖裡販賣着一瓶瓶的可口可樂...
冬菇庭裡不停轉動的那部豆漿機，
配上一碗淨面，日子就這樣過得很簡單...

八十年代，真係叫人回憶太多的日子...
向新一輩啲同事哼起舊歌時，
他們那些朦然不知的樣子，
我已知道自己老了...哎~~~





歌词：
日が暮れて　どこからか
カレーの匂いがしてる

どれだけ歩いたら　家にたどりつけるかな

僕のお気に入りの　肉屋のコロッケは
いつもどおりの味で　待っててくれるかな

地球の上に夜が来る
僕は今　家路を急いでる

来年のことを言うと　鬼が笑うっていうなら
笑いたいだけ　笑わせとけばいい

僕は言い続けるよ　5年先10年先のことを
50年後もこうして　キミといるだろうと

地球の上に夜が来る
僕は今　家路を急いでる

雨が降っても　嵐が来ても
やりが降ろうとも　みんな家に帰ろう

邪魔させない　誰にも止める権利はない

地球の上に夜が来る
僕は今　家路を急いでる

世界中に夜が来る
世界中が家路を急ぐ

こんな毎日が　キミのまわりで
ずっと　ずっと　続きますように

太陽下山不知從何方 傳來了咖哩的香味 不知道還要走多久 才能回到家啊
我最喜歡的肉品店的炸馬鈴薯餅 是不是還是用老味道 在等著我啊
夜晚降臨地球 而我正在趕回家的路上
說到明年的事 如果魔鬼想要笑的話 那就讓他 盡情的笑吧
我會一直說下去 不管是五年還是十年 50年後也是這樣 跟你在一起
夜晚降臨地球 而我正在趕回家的路上
不管是下雨 不管是風暴 不管是槍林彈雨也一樣 我不會讓他阻撓
大家回家 不論是誰都沒有這個權力
夜晚降臨地球 而我正在趕回家的路上 全世界都是黑夜 全世界的人
都在回家的路上 這樣的每一天 都在你的身邊 希望這種日子可以
一直持續下去

《媽媽咪呀！》 Mamma Mia

一套好正好正的音樂電影!!!!

只有外國電影才可以將「中年人」寫得仍然咁有活力，
香港電影的中年婦人永遠只標誌著“年華老去”、“師奶”，
究竟係香港人對自己缺乏自信心，定香港電影製作者喜歡夫子自道？
人老是自然，心老是悲哀，自信才是青春！

梅莉史翠普演繹的單親媽媽﹣﹣唐娜，就是能散發著女性果種天真活潑，
活力得來卻不失禮，心花蕩卻不覺姣，她就是能演得這麽的洽如其份！
愛情是什麼？
可能就是到中年都會使你囉囉攣，會使你情緒縈繞整天，
愛情就是使你有勇氣改變自己，離開安樂窩去走崎嶇的路。

就如結尾一樣，那個是自己的生父並不重要，
最重要係之後自己怎樣走自己的路，
「關係」並不是建立於那點點的血緣上，
而係建基於人與人之間的相處，和對別人無償的付出！
為甚麼外國人就能這麽看得通透。



點解三位男角，八十年代個look都係咁前衛﹣﹣長髮。


Honey Honey


The Winner Takes It All (全場最sad)

《蝙蝠俠–黑夜之神》 DARK KNIGHT

估唔到，真係估唔到，故事可以咁HEAVY。

雖然有朋友講話呢集個主線唔係放喺主角上，而且喺講大圍思想！
不過我卻覺得呢集真係講得好深、好深...唔係咁多人真係明白到。

小丑想講人生充滿變數，不過每個人都會為此設一個計劃，
當個變數偏離咗自己個計劃時，人們就會開始恐慌、失控，
不過變數本身跟本就冇改變，幻變其實就係人生的本質，
只係每個人都迷失於這個事實中。

蝙蝠俠、雙面人、甚至Rachel女主角最想行嘅路行唔到，
計劃行另一條路時，卻發生意外。
最後，卻行咗一條完全冇諗過嘅路。

Rachel原本深愛蝙蝠俠，卻因蝙蝠俠的行為而離開，
原本計劃同雙面人一切，卻慘死火海...

雙面人原來只係想打擊黑幫頭子，跟Rachel一齊，
計劃搜集黑幫罪證，捉拿JOKER。
最後卻失去Rachel，自己亦要用雙手制裁自己的伙伴，
極端正義，另一面就係極端邪惡...

蝙蝠俠最想只係改變葛咸城，與Rachel一齊，
所以計劃想放下英雄生活，幫助未變的雙面人捉拿JOKER，
希望退位讓賢後，可以同Rachel重修舊好。
不過卻弄得失去一切，繼續日復日的生活...

幻變就係恆常，恆常就係幻變。
生活如是，
人生如是。

《街頭超人》 -- Hancock

七月六日，經常突然大雨，早場，起身想死。

九十分鐘、簡單、易食唔難明，有些少《超人特攻隊》的延續感覺，
對於近年超人片熱潮下，韋史密夫這齣算係別開生面！
最特別可能係Casablanca的戀愛結局模式，(希望咁講冇穿橋)
對於美國咁英雄主義思想的國家，竟然接受到呢種諗法，
真係有啲諗唔到，始於世界係圓0既，意識形態都會改變0既！


夜釣墨魚
夜晚走咗去釣墨魚plus同朋友興祝生日，原本諗住落咁大雨應該取消，
點知0的船竟然可以繼續出海，真係風雨不放，勁！
而且今次大家仲大有斬獲，一吐之前抱蛋的烏氣！
因為太早起身，中段曾經瞓鬼咗，唔好意思大家，
不過點解我仍然釣唔到，有啲唔憤氣!!!



鼻子仍然勁痕中...慘...

《卡斯柏王子》

天氣浩熱‧早場!

幾年前冬天上映的《獅子、女巫、魔衣櫥》，挾著節日的氣氛，
看著進入雪度的Narnia，童話般的魔幻王國，
描述著兒童故事的真理--信任、犧牲、寬恕同希望！
冒險故事開頭總是能提供那種熱情、期待同振奮心情，
主角的迷惑只需要勇往直前就可以解決，這樣的人生使人多麼既羨慕又妒忌！

《卡斯柏王子》卻成長了很多，連故事裡主角的人生都現實了很多，
沒有如先知般的預言，前路就變得那樣使人迷失！
失敗後，就想伸出雙手獲得別人的幫助，即使係邪惡如女巫的人！
時間流逝，即使自己已不再係故事的主角時，
就應該要去學會放下自己的執著，才會真正獲得自信，
才能轉身向Narnia子民，來一個smile!

改變。破壞

(圖 冬菇亭)

近幾年屋村的演變很大，由以前的街坊，到現在搬入咗好多國內的同胞，
樓下的幼稚園都改咗為一間社區中心，
臨屋變咗為福建中學，
山邊變咗為網球場...
回憶好似慢慢被人吞噬著，
感覺自己屬於這裡的痕跡已經不在，
心裡繼續浮現近幾年的失落感...

現在清拆樓下的「冬菇亭」，滿載著回憶，
還記得小時候食的通粉早餐，還有不停流著的凍豆漿機。
有次小學放學後，同學請食齋麵，遲了回家後被老逗鬧餐包！

回憶能否消逝得慢些...

一路順風

圖‧三十多年前的照片

爸：

短暫歸來的一個月，雖然相處都是老樣子，為了些無聊的話題吵起上來，
但我已經盡量學習體諒大家的苦處、兩代的差異，不過相處總是不太容易，
可能這樣就是所謂的父子，吵吵鬧鬧少不免...

只是心裡總是覺得自己是個不肖子，
當父母身體健康已經日差，但自己卻無能為力，
在現在自己的財政狀況下，連丁點的責任都盡不到！
「迷失」好似使人更加乏力，這種在職赤貧的日子何時才會終結！

點講都好，老逗就交返俾妳呀，老媽子！
祝兩老身體健康！

《從心開始》 Regin Over Me

近日看咗嘅一齣片，一齣關於911後的故事，

睇完後完全明白生活的痛苦，「面對」其實只係在傷口上灑鹽，

逃避何嘗不是對自己的療傷，只係逃避到要去把所有東西都忘記，

皆因傷口真係大得太利害了！

I am a simple man So I sing a simple song...

(清晨冇人的街道，響起Graham Nash的歌，好喜歡)

撞車

今天放工時，如往常般乘搭小巴返家，
較不同的是坐咗喺少坐的車頭位！（一直都覺得係危險位）

當就快返到屋企附近，小巴就急速撞到切線的貨櫃車，
回過神時，自己都還不知發生甚麼事，
只知道小巴急停，自己差不多都揪起身來，
慶幸握緊住前邊的護欄，如果唔係我就真係隨時飛出車外！

一切都發生得很突然，開始時感覺都沒有甚麼大不了，
不過後來再回想，如果撞得再大力點，我就真係...
生命真係easy come,easy go！
乘客見冇咩事，而且等得不耐煩，
大家就咁落車離開，我當然跟大隊溜走咗la！

事後，右手竟然在撞車後一段時間先覺隱隱痛，
希望啲痛快啲消失la！

再見‧笑聲

今天返工的時候，心裡仲暗咐今天應該會回暖吧，
怎料到十一點鐘，還在電腦前努力工作的時候，
收音機原本係雲妮鍾情的節目，突然傳來特別報導，
一個唔想聽到的新聞 -- 沈殿霞病逝，全身竟然凍了起來，
不知道是什麼原因，感覺上放工前整間房比以前更凍！

八十年代的記憶開始消退緊，每個朗朗上口的藝人，逐個咁離開，
竟然開始害怕起新事物來，害怕連兒時回憶都會忘記，
這樣我還算是一個甚麼的鬼東西來！

《富貴逼人》繼續會是我DVD架上的VIP！
沈殿霞、標叔一路順風！

《留給最愛的情書》P.S. I Love You

對戀人最殘忍的事情，莫過於「永世分離」，
香港啲情侶們，曾留傳過一個承諾，男仔唔可以比女仔早死（多得韓劇啲死人橋），
因為在生的人會比死去的更辛苦，為日思夜念對方而苦惱！
為了不使對方痛苦，就要活得比對方更久，才是愛護對方的表現！

不過當事情真的發生時，現實並不是三言兩語可以描述，
致愛離世，本身已經夠辛苦，勇敢繼續生活更不是一件易事，
面對著以前兩人生活的點滴，個中不為人道的情感更加難以釋懷，
一隻杯、一些聲音、一段時間，都可以勾起段段的回憶！

每個月收到從天堂來的一封信，
只係離世者想對未亡人最後表達自己的愛意，
就是想她努力生活，一切因為P.S. I Love You!

Enchanted 《魔法奇緣》

公主、王子...童話裡的icon，更加係兒童故事百講不厭的角色。
王子公主式的愛情，真的可以天長地久嗎？可以單純地談戀愛嗎？

唔知從幾時開始，電影、大人開始同我哋講童話唔係真的，
貫輸了"現實是很殘酷的"，出來社會應該學識保護自己！
不過，過份地理性地談戀愛，真係可以有個完滿結局咩？
先要拍幾年拖、跟住計劃結婚買樓，都市人的所謂戀愛，
可能連「愛對方」，咁簡單的事其實可能都已經忘記咗！

點解都市人唔可以好似王子公主般，愛得簡單單純！

《長江七號》CJ7，不是周星馳的周星馳電影

Sunday最啱就係去睇早場~~~
不過今天發覺個場多咗好多細路，新年嘛~~~

剛步出戲院後，心裡湧上了一個念頭--CJ7不是周星馳的電影，
只算係由周星馳執導，由徐驕擔正的賀歲兒童笑片！
只能懷疑由一個細路擔正，啲片商唔肯，
周星馳迫於無奈參與一角，藉周生的叫座力，啲片商先肯投資，
所以周星馳就甘願做咗一個大配角...

如果大家係想睇以周星馳為軸心的電影，就可能有啲失望...
不過點都好，周星馳真係想向純導演方向進發，希望佢真係可以成功LA！

《聲夢奇緣》(August Rush)

很久都沒再見到這類型電影，
近幾年都是一些大製作，唔係就係啲踩界、話題大的電影，
講奇蹟、講夢想、講親情的電影卻買少見少！

“If you listen, the music is everywhere！”

《August Rush》是一部講奇蹟的電影，
裡面充斥著不同擁有夢想的角色，曾經有的、失去的、相信的....
August(Evan)相信音樂，跟隨音樂就會搵到父母。
August父母曾經擁有音樂，亦曾經失去過音樂，最後面對音樂。
Wizard係追尋過音樂，卻背叛音樂，真正失去音樂的人！


睇完後，我仍然相信 "If you see, the story is everywhere！"

好靚呀~~~套卡通好靚呀.....

星期六無線播出套新卡通 -- 《鴉》，
原本只係睇咗無線播宣傳片，已經好有興趣，
點知睇過後，發覺佢啲畫面真係好鬼靚呀！
攪到真係好鬼想睇高清版的《鴉》，個心好鬼痕癢呀！

好想睇、好想睇、好想睇～～～