中秋節~~~鬼片正！

原本一直都諗著想睇《色‧戒》，點知啲戲院爆到七彩，
得九點、十二點果兩場，唔通真係中秋節，去賞月！
而且星期三啲早場都係爆晒，除非去到荃灣咁遠睇....

中秋就去咗屋企人果屋企食飯，用NOW來搜尋其他戲院時，
估唔到原來銅鑼彎UA嘅《C+偵探》未爆喎，正！
即刻訂咗十一點場數！
(如果大家有睇報紙，就知道《C+偵探》只有UA上先)

不過真係估唔到彭發今次套《C+偵探》做得咁出色喎，
色彩、氣氛、timing、故事、剪接、音樂等等...
真係佢咁耐嘅難得佳作，值得推薦！