畢業相

今日無鬼聊聊攞返畢業張相出0黎，喺網上同個舊同學傾傾吓，
先發覺相裡面有九成都唔記得佢係乜水，
尤其係女同學，只係記得一、兩個，
慶幸畢業果時本同學錄還在，所有人的名字都搵得到，
就咁樣，一個一個咁慢慢配對返0的名，
才記得起某些人、某些事....

當配到七成人時，才驚覺已經二點鐘了，
仲要俾個舊同學講：「咁嘅鐘數，係得我0地兩個先咁戇居做啲咁嘅嘢！」