壞習慣~~

oh~~
今天我又去到下午四時多先起身，浪費晒0的時間~~鬼叫我成日到天光先目訓咩~~
所以我決定要轉返個"生活時鐘"，因為成日被屋企人投訴~~~慘!!!

神呀~~幫我呀~~~~~~~~>.<~~~

中秋節--累日

中秋節屋企人慣例都會齊集食飯，但今年父母都唔係香港，所以我一起身就要執屋，辛苦辛苦...
而我對上個阿哥只會係廳慣例對住部電腦，地又唔掃，檯又唔執，激鬼死~~
雖然今年晚餐名會由我二哥操刀，可惜當我家姐一到後戰情就有些少失控，出0黎0既夜飯就....
縱使今年個餐食得好定壞，起碼可以一齊聚在一起食飯，好鬼難得ga.

食飯前，sms0左祝賀三十幾個舊同學，但發覺好多人都唔知個燈謎個答案，二點鐘時又匆匆用icq補送答案(慘!我send0左俾邊幾個>.<)，最後搞到有0的唔好意思0忝~~

最後五點鐘，累了，回床睡了！

休息的星期六

今天兩點鐘從床裡爬身，睡眼矇鬆地看見了我ar哥班friend0係屋裡(其實可以講係佢0地嘈醒我)，我匆匆地沖了個涼之後就繼續clean up部機。太多垃圾--20gb漫畫,9gb軟件, 跟著仲有30gb 0既唔知咩0既垃圾~~真係好浪費時間...好慘~~

但最終我忍手不著就打開電視睇碟, 我自信睇碟會係我人生的最後樂趣(因為打機我已經多年前放棄了,好慘~~)，我從碟堆中搵到了《千年女王》，其實我已經買了回來一年有多，膠袋都未拆-.-。《千》片場面調度真係難以想像，而且對於剪接更是別出心裁，整套動畫根本是玩弄著剪接，敘述只是剪接的附屬品，高明地將故事的內容交回俾觀眾，要思想的電影才是看電影的樂趣，常有人說"觀眾不是傻瓜"，就是這樣。現在我看緊的一本書講關於剪接與《千》片的用法差不多，並不是像平常只講的continuity,講好多空間同時間的關係~~是一本我喜歡的書~~

跟著半小時就看了一本《極上之夢》，是一本圖多字少的書(我鍾意+.=)，關於電影《海上花》，而且十九世紀未的上海是我喜歡的地點, 看完後使我有衝動買番隻dvd欣賞，一齣只在台彎和搭建的長三寓裡拍攝，會不會使故事或人物的關係增加壓迫感，真係使我十分興奮~~~



p.s.潛行者(stalker)個導演Tarkosky十月中有回顧節目，真係期待..期待..期待.....^.^

等待黎明的一天

今日原本是freelance的最後一天，跟著就會去舊公司做一個月，可惜現在因為freelance的進展延遲，所以現在要大大伸延至一個月後，這樣我就得要多通宵返工多一個月，有些想死的感覺，我寫這篇日記就是在早上三四點前在公司寫，我現在等緊地鐵通車就會回家休息，但跟著就得四五個鐘頭就會再返公司，這就是這星期的生活，七日的通宵日子!!

好la，我看番自己近來寫0既日記，先發覺自己都幾喜歡寫0的無聊0既故仔，而家又到我講故仔0既時間。


故事：
一對分了手的情侶在街頭上相遇，倆人只是?腆地寒暄了一番，跟著不知怎樣倆人就進去了附近的茶室，當時分手是由男方提出的，而個女仔一直自認是溫柔同善解人意，一直對分手的事都大感不解。佢終於忍唔著就問起對方分手0既原因，

女仔:「其實我都算係一個溫柔0既人，點解你之前會同我分手，」

男仔望了望女仔，跟著從口袋裡拿出了一蚊出來。

男仔就對女仔說：「你試0下唔用其他道具，好似鏡或者水，睇0下可唔可以同一時間看到一蚊的兩面。」

女仔就諗了諗，跟著就苦惱對著男仔講：「唔用其他道具邊有可能喎，而且我又唔係要玩遊戲，我要知我0地點解會分手呀!!」

男仔就笑了笑，就右手將?上的一蚊拿起，跟著打直放在女仔的兩額中，跟著就說：
「而家你只要逗雞眼咁看就可以看到了，雖然同一時間可以看到兩個面，但越想看清兩面就只會越看得矇矓，人只能看到一面才會清楚的。就好似我同你0既關係，為了對方都希望想盡量看到兩面--“好”同“壞”，但係只會越看唔清前路，所以我選擇了對妳最好的【一面】。」

兩人沉默了一會，男仔就說：「妳幾時會返美國開學呀？」


p.s.只要看到一面就可以了，我0地跟本就看唔清楚兩面的。

今日我好累呀~~

今日成深晚二點幾先返都屋企，好鬼累，想知道我點解會這樣，咁就要講番幾日前既事，話說....

星期五，我阿哥個朋友話要搵freelancer，跟著搵0左我，其實我都冇所謂做唔做freelance，最緊要係我可以有時間做我套片。但俾我個阿哥煩著話我整係呆係屋企，所以就接0左份freelance阻塞佢把口。就係咁樣我就開始0左某間公司做一星期的freelancer，在工作量一般，但趕交就好趕及開夜車的情況下，又打回以前打工早出晚歸的日子，今日才剛過一日，還有六日(神呀!!求您保佑我!!!)。



有個人雙手握著拳頭，對別人說：「我現在握著幸福！」，跟著其他問佢手裡面有咩，佢跟著鬆了鬆兩臂說：「我都唔知！等我偷望0下先」，佢不斷說：「應該...有...0既...」，最後佢打開了雙手，手裡甚麼都沒有，其他圍繞他的人吵嚷著。跟著佢就說：『我剛剛從這合拾了的雙手窺看著幸福，咁樣我雙手就唔係握著幸福咩？』

--幸福就係由雙手掌握，不要忘記。
p.s.阿Cloud沖涼時想到的故事!!!

遲起身的一天

昨天匆匆地建了blog站而且更新了icq個info，好像仲有很多東西都未放上來，起碼都要有一張像樣的相片放0係profile，所以我要加油努力。

其實我昨天更新icq時，發現了自己數年前寫在icq裡的話，內容如下：
『記於二零零二年七月二十六日的事:
人會迷失於理所當然的事中，
時間更會把相方的心都麻木，
越近看所見的可能會更矇矓，
戴上老花眼鏡又可看得多少。
如果迷失了，我們可以做些特別的事來，情感可能更真！
如果麻木了，我們可以把時間縮短些來，相愛可能更深！
如果矇矓了，我們可以從遠處看事物來，所見可能更清！
如果看少了，我們可以用望遠鏡觀星來，獲得可能更多！
Cloud 開始迷失於地鐵汽水機轉角的暗角裡~~~』

我其實寫0既時候，自己生活得都幾悶，所以希望自己可做事更清醒有方向。但反觀現在我仍然庸庸碌碌，所以攪到我唔係好想改過info，所以我繼續keep住到我做到為止!!

-----------------------------------------------
其實今天都幾特別，我知道有幾個中學的同學今年入讀cityu，不過我就畢業離開，真慘-_-!!所以專登搵0左一個中學舊同學傾0左一陣，原本開頭都傾得好好，問0左好多關於個course同佢0的野，但自己總是對細處執著起0黎，搞到佢都有少少唔好意思~~不過返去讀書點樣都好，希望佢努力加油!! 跟著落街食飯時，竟然遇見Air So，但只係閒談了幾句，不過佢就真係變0左好多，真係心廣體胖!!真係希望佢可以減減肥@.@!!


呀~~~我要"手查"電單車呀，我好耐冇~~>.<

第一次的日記

YEAH!!YEAH!!
終於自己肯"的"起心肝開個Blog寫寫自己生活，其實之前已經好有衝動開一個，不過總是覺得尷尷尬尬，唔係好想俾人知道自己發生咩事，而且文化學歷又唔好喎，驚俾人見到我寫錯太多字，好"瘀"0架。但好彩自從入0左scm後，自己的心態同看法都好唔同，明白到要對得起一件作品，就要對得起自己，因為每份作品都係表現緊自己，所以越唔想表現自己，就越做得唔好，所以我已經明白到自已本身0係會有好多缺憾，但就係0黎0的缺憾先就係我。

咁我現在就講講自己近況，我就剛剛副學士畢業，之前summer時幾鬼驚自己畢唔到業，因為我仲差3個credit和一個elc(English Langangue Centre)試先畢到，我自認英文水平麻麻。攪到我成個暑假都過得唔好，幾驚fail英文。好彩上星期公佈0左成績，見到pass0左先冇咁驚，今日學校都send0左email話我graduated，今日都算唔錯0既一日。

但係自己從暑假開始時，就一直想花三四個月製作0既一齣動畫，希望可以年尾完成，不過現在就....唔知點解總是提不起勁，搞到現在仍然做緊寫script部份，唔知幾時先開始做character design~~現在只可以希望九月頭開始下一part~~