年代

八十年代是我出世的年代，並不是我的年代，談不起勁！
九十年代是我成長的年代，可惜我跟唔上、冇感受，我並不是一個九十年代的人！
廿二世紀初，現在我仍然活著，但感覺唔到與這個世代有甚麼的交流，明顯又跟唔上了...
我較喜歡六十年代的單純，對與錯很明顯，冇太大的煩惱！
上世紀初，勝利同失敗是兩端，會很清楚知道，但轉眼會逆轉！
【十月圍城】聖誕節可能我想看的電影。

不同的路!

我開始轉用了firefox，因為微軟的ie真係一點進步都沒有，而且個interface都幾笨拙~~今天試了firefox同mozilla suit兩個，最後決定轉用firefox，感覺上比較快，而且冇suit咁heavy~
跟著信手安裝了sunbird，這樣就可以完全脫離M$控制！

其實我唔係一個成日想做特別野的人，
只係因為討厭，所以我討厭！
相反鍾意，所以鍾意!
只係做選擇時，我比較會容易與其他人唔同，但選擇了我就會堅持，做人應該隨心的，
路原本就是辛苦行出來的~~~

重新審查的一個星期~~

今個星期又從回工作的開頭，有些少的苦悶，
但好的計劃就是未來的歡笑，我要更加努力！


故事：
一個男人講：「究竟昆蟲同動物有咩分別？答案係昆蟲會撲火，而動物就會怕火。
但人類就好唔同，初戀會好似昆蟲咁，咩都唔怕。
而失戀就會好似動物咁，會自然反應驚受傷。
但靈長類動物就好唔同，科學家話佢0地識用工具，所以佢0地會利用戒指、結婚，
原意是確保自己幸福！可惜仍然有咁多人被這工具所傷，係因為佢0地有工具，人類開始識得玩火！
如果俾我揀，我另願做一隻只會撲火的飛蛾！」
講這番話的男人，是一個八十歲未結婚的老人家，身旁的老伴是他的初戀情人，已相伴六十載。
.
.
.
他們現在仍然相愛...
.
.
.
你相唔相信這個故事？
.
.
.
我可以同你講，這個只係我作的一個故事。
如果你曾經相信，戀愛並不是型式，戀愛是生命的火，
請不要玩弄這把火，但當你全心投入，這把火一定會更燃亮。
「戀愛需要付出」(Love, need pay!)

睡不著

昨晚我有一段時間都睡唔著，其實"目訓"唔著都唔係一兩天0既事，我經常都會"目訓"唔到，跟著0係床上糊思亂想。而我昨晚我就諗起Stephen King0係無線做緊果套連續劇"Rose Red"，故事內容大概係有個professor組0左一團人去一間大屋"Rose Red"做靈異實驗，而果間大屋從以前就有很多人失蹤同死亡，而且間屋從興建到屋主入住後仍不斷繼續擴大，冇人知道點解，直至三十年前間大屋停止給人參觀後才停止擴大。單睇第一集已經劇力十足，係值得繼續追看的劇集。

但我竟然慢慢連繫上其他的東西，就係「紫禁城」，可能受跟排「金技慾孽」影響。不過，如果用紫禁城來比較的話，就會發覺Rose Red也不過如此。Rose Red 咁多年來都只係失蹤或者死都只得百人以內，但紫禁城內失蹤死亡者何止過百，過萬亦不為過，而且紫禁城從明朝到清朝都已經擴建一倍有多，到現在的紫禁城仍然會繼續擴建，四周的「胡同」會拆毀重建，重建裡面的黑暗(黑商作業)比佈滿青藤的大屋更陰暗。Rose Red頂多都只係有鬼有怪0者，而深宮裡人人都活在爾虞我詐中，人才比鬼怪恐怖。

嗯..嗯...好啦~~「金技慾孽」0的毒中完la~~~清醒ar~

起身食飯~

今日大半活動都是食野，起身食下午茶，跟著去tst約齊屋企人一齊食飯慶祝家姐生辰~~
返家了，累了又睡著了，一天都是吃~~~
我開始發覺自己向豬的生活發展，我究竟幾時會被人剮呢~~

不想了，又睡吧~

沒有煙花的國慶日

聽到電台播著張國榮的【追】使我突然想寫篇日記，因為這首歌是我第一首看過，而記憶最深刻的卡拉ok MV。
當年更有想一看電影「金技玉葉」0既衝動，最後無線播時卻有些少失望，0的廣告位真係...
電影中張國榮就是彈著這首歌幫個老友搞番掂個老婆，都幾感人0架。

今日是國慶日，夜晚會慶祝放煙花，但我已經好耐好耐冇睇煙花，最多只會在電視前睇睇就算，而且完全看畢的都只有九七年在青馬大橋放那一次。並不是我討厭煙花，而是香港的煙花放得太多了，看煙花的地方又多又擠迫，新意和興趣已隨年月減退了，加上看後經濟環境都會越來越差，煙花已經變得有些粉飾「繁榮」的活動。
但最重要的是自己連一個值得相陪看煙花的人都沒有，一支公去看煙花都幾悽慘０架。>.<~~

「…一追再追　追蹤一些生活最基本需要　原來早不缺少…」
聽著歌詞，深有所感~~所以我要抖擻精神，努力工作，唔可以繼續懶惰…-.-