正生...應要思考的問題。

近年身邊朋友吸煙、飲酒、蒲吧的人多咗，
發覺自己好像同社會越來越脫節，
開始嗜酒的女性朋友亦不少，所以漸漸迴避了一此不必要的飯局，
看見他們死隊爛隊醉在街頭，一次已經夠我受！

一連數單的少女吸毒案件、同正生書院事件，
我都感受好深，因為近年聽深夜電台多咗，
發覺好多未成年少女打上電台，哭訴去朋友的生日會，
醉酒後冇意識下與人發生了關係，有些更不止同一人發生關係，
以上情況，確實不只發生一、兩單（係一年五、六單！！），
受害人亦由十三、四歲至三十幾歲不等，
電台主持有時對住呢班冇腦的聽眾，真係血管都爆盡！
有時不只學生問題嚴重，在職人仕何嘗唔係需要入正生！

近年千奇百怪的打入電台多咗，
屯門變態中學阿SIR、性沉溺患者、食K食到失禁的邊青...
有時聽到真係想揼爆部收音機。

雖然社會險惡係多咗，不過如果能夠提供一個更新機會，
我哋就應該給予機會青年人改過，
錯已經行錯，不要再踢佢哋入絕境！

「做朋友，去飲酒，搭膊頭，伸煙仔！

飲醉酒，駁條草，要傻笑，四號仔，
搓梅勁，食K仔，螢光劑，白痴仔！



生日會，覓食場，十四歲，已遇害！

白痴女，賀生辰，醉歡暢，豺狼叫！
K房內，冇朋友，醉嬌娃，齊齊上！



報紙上，似小說，藝人蒲，當世情！

身心傷，才明白，要合群，冇朋友，
好知己，害死你，離群處，更自由！」

六月四日，二十年！

六月四日，話咁快又二十年，
當年蒙懂小學生，還未知道真正發生甚麼事，
大家聚在禮堂高唱《中國人》，印象已烙在記憶中！

成長中，對六四已有一定理解，
一切看似事實般存在著，認為大家都有相同的認知，
直至近來發生的新聞事件，才驚覺原來事實係可以被人扭曲，
不論中國人、日本人，為權勢廉恥都可以丟下！

公司裡有個八零年代末出生的同事，
近排經常帶些關於六四、立法會的新聞片段回來，
初頭以為因為受新聞影响，才會影片回來理解吓，
一直心想只是三分鐘熱度吧...

直至傾談過後，才驚覺他以前對六四事件竟然全冇認知，
因為互聯網的幫助下，他才能慢慢窺見六四的真相，
當下，新生代在不經意下被蒙騙著，才感受到新生代的「可悲」。

毒奶、四川大地震、俯卧撐、鄧玉嬌、還有大大小小的貪污事案，
還有每日聽到國內駭人聽聞的奇事，
細想下，一切都源自當年遺留下來的禍患！

司徒華：「經濟有發展不等於可以不分是非」