差點暈到~

今天上堂差點兒就暈到，
突然間眼前變得矇矓，更有數秒雙眼發白，
（記得相同情況，就只有以前跌斷雙手那次！）
抖了數分鐘情況先得到改善，事後雙手亦有點兒虛脫。

看來我這個孱仔都應該要做多點運動！

香港印象 Impression : Hong Kong

香港印象 Impression : Hong Kong
黃貴權 + 周潤發攝影作品展
地 點 : 香港中央圖書館
日 期 : 三月九日至三月十九日
時 間 : 10:00am 至 8:00 pm

蘋果日報介紹

　　星期六走咗去中央圖書館睇黃貴權同周潤發的攝影作品展，匆匆欣賞過一回，確實無浪費我夾硬鑽時間都要來一回的心機！因為作品都以大呎吋菲林攝影，所以作品細緻位很好，而且兩位攝影師都對攝影很有自己的看法，站在相片前可以有很多思考的空間。

　　有人比喻過攝影係「The Frame of the Film」，更加係「The Frame of Life」，相片係人生中擷取的一刻，影像不斷滲透著不同的故事，相片隨著時間訴說的聲音會更加響亮！

　　周潤發提過佢試過影一個地方去了九次，最後一次只係影了兩張就可以收工。使我想起讀書時，有同學亦曾經只影兩個鏡頭就用了整卷菲林，當然人哋係一位攝影高手，對自己的攝影物已有一番見解，同佢相比我真係汗顏慚愧...攝影好多時係思考的活動，係攝影者對事物的取捨，係生命的參與...

　　半頭鐘頭的瀏覽，確實有些不夠，如果能多留半個鐘就好...不過這個影展已經比那些教影飯蓋、將女性極端「物化」的工具書勁萬倍！一個值得推薦給朋友的影展！

《一百萬零一夜》﹣Slumdog Millionaire

　　《一百萬零一夜》由美國大熱、到獲得美國影評人大獎、奧斯卡金像獎、再到香港上畫大熱，一直橫數各國票房、頒獎禮，風頭可謂一時無兩，大家對此片的評論更加此起彼落...確實《一百萬零一夜》以一齣商業片來說已經超額達標，尤其對細額資金製作（1億？對美國來好少），電影界又一成功「刀仔鋸大樹」的例子！

　　其實我喺上畫首週就入場欣賞，原本無考慮寫甚麼...因為電台、雜誌已經評論咗太多了...有人說喺金融海嘯下，《一百萬零一夜》對美國人來講起了一種共鳴感覺，起了鼓舞作用！

　　大家真係欣賞Jamal面對逆境的決心？定喺潛意識妒忌Jamal？
　　
　　Salim為生存為錢背叛兄弟、Latika為現實背叛Jamal連自己都背叛，戲中的人都為各式各樣違背著自己，最後沉淪於現實中...現實，大家都試過為生活背叛過自己...

　　只有Jamal，由始至終都向著目標前進﹣﹣Latika，曾經喺火車上違棄的Latika，不知不覺地已經成為他人生的目標，回去孟買為的是她、電訊公司裡掛念的人是她、參加《百萬富翁》為的都是她...大家妒忌的就是﹣﹣由始至終有目標的Jamal！

《貓咪咕咕》的咕咕人生！！

主網站

好想好想養貓...由細到大都好想養...
如果有能力的話一定會養，一個對自己的承諾！

《貓咪咕咕》唔好當係一齣子貓物語類的電影，朋友更大呼有人話好悶...
確實，電影的二段式敘述可能大家都唔係好習慣，
（不過日本電影卻不是新鮮事，《蒲公英》便是其中一例）
片尾一段的二人對話戲，可能更會把普通觀眾悶死！

這一齣電影應該似係日本版的「20．30．40」，
一班女人，喧喧鬧鬧過日子，面對自己人生命題有苦又有樂，
有過去才有現在，努力現在才能驅駛將來，
大家都係受「細過經歷」衍生出性格、生活...同人生目標，
瞭解自己，便需要面對自己，人生就是由淚水與歡笑走來，
貓咪就係這樣站在身邊一直看住，是觀眾，更是陪跑者，
有這位最佳陪跑者，孤獨從來都不是一回事！

電影中的一句話：「貓兒比人活快三倍」，
不過報紙中看見有十二歲細路女已經拍拖幾年、分手數次，
十六歲的少女更已經被素造成天后，
更有未夠二十歲的女性已經結婚、生仔、離婚又再婚，
曾經有人講過「十幾歲就走去化妝，三十幾歲就已經係老太婆！」
女性為甚麼總要迫自己行快三倍呢？

咕咕人生，不是會更好嗎？