《聖誕頌》

今天是難得的休日，始終都係忍耐不住又出了APM睇戲，
可惜猛片都未上畫，惟有選擇了聖誕節最應睇的電影--《聖誕頌》，
這齣電影可能並非是香港人的主流，連公司同事的都一樣，
不過，我真係從月頭開始已經好想睇這齣~~~

睇完全片，雖然都沒有太大的驚喜，
不過卻解答了我從細都想知的問題，
就係"究竟點解瑪利亞同約瑟仲咩要到伯利恆生耶穌？"，
終於都知道原因了~~~~

舊同事結婚

(圖一)Ricky從未如此型仔過

星期六身邊又有一位舊同事結婚了，是我今年第三次去的飲宴，
明顯踏出社會工作後，這類形的婚宴都應該會不斷接種而來，
聽講預約結婚的新人，場地要排隊排到2008年，
可見這波結婚潮都有排都未會冷卻！

尤其加入了大公司，適婚人士特別多，
就算離開了公司，都會有一大群舊同事。
每逢婚宴擺酒，
這一大群烏合之眾就成為了專搵人隊酒的核心成員，
幸而今次再無發生十多人飲醉、遍地紅豆沙的慘況！
不過我們卻要面對凜冽的寒風，繼續返公司開工，
深宵的工作間，跟本沒有工作的氣氛和精神...

今天是我返通宵更的最後一天，之後又轉夜更了~~~正！

十八度以下的日子

日子匆匆而過， 差不多在這間公司都工作了近兩年的光陰，
我承認這兩年的時間我在偷懶中，時間好像停留了的一樣，
身邊流轉的東西很快，但自己卻站在一旁，
心怕向前踏出一步，會甚麼都沒有，
害怕被洪流沖到一處看不清、寂靜的鬼地方！
留下來真的會好嗎？還是自己太內弱了...

前天，知道了某位舊同事去了哪裡做，
幾時，我才會踏上自己想走的路呢？
------------------------------

亞歷山大帝，希望你澳洲的流浪能體會到你想要的東西，
生活能磨練和使一個人迅速成長，
半年後，盛夏時希望能約你和你女朋友，再加上城大0的同學出來飯聚吧！

今天是十二月五日

牙肉痛了數天了，好痛...
只懂得竄在被窩中，好似都沒有好轉，
工作和身體有很大的落差，精神更是每況愈下，
還是躲在狗窩中自憐吧~~~

天行者

放低了嗎？
自《九龍冰室》後，又一次對九十年代黑社會片的放低，
還是戲裡戲內要放低的事情實在太多了？

放低了鄭伊健的陳浩南造型。
放低了香港九十年代的黑社會片。
放低了上一代演員的負擔。
要放低的實在太多...

《天行者》是對黑社會片的一次總結，還是一齣小品，
香港電影的發展是否又是一個Heavenly Misson？
沒有小本經營的電影，有的都只有上億的大電影，
認真製作、動員過千、史詩長劇和花費不菲，
從前嘻笑怒罵的港式電影消失了，
為的可能如葉秋那樣，曾經壞過的人都會做好事，
香港電影都想拍高質素的電影，但你會相信嗎？

你會不非法下載，入戲院支持嗎？
還是一次黑社會，一世都係黑？

消費

近幾年多了入電影院，反而DVD就買少了，
並不是我有錢0左，可以多入戲院消費(講真我都未有錢過)，
而係明白到有些電影或事情，只會發生在特定的時間和地方。

戲院裡的情節經過了，就只有僅有的一次，
無停格、無回帶、無飛帶，
記憶洛印了，
只得惟有的一次，
行出電影院，擁有的情懷只屬於當下！

十二月，還有很多電影想看！
未來的生活----窮~~~~

最後的名字

跟來的工作都比以前辛苦，加上無形的壓力，
正所謂「生活苦悶、不如睇戲」，所以就走0左去戲院睇「死亡筆記2」！

故事其實都緊接上一集，不過已經冇0左同漫畫比較果仲感覺，
因為後段都已經大改的關係，所以反使人覺得有些唔接，
尤其夜神月尾段的劇情，甚有三流編劇的風格，
不過結局卻彌補了原著拖長的問題，接近兩個半鐘頭都不覺得冗長，
加插「L」抵死的演繹和甜品巡禮，確實輕鬆不少！
總體雖然不及第一集，但想追結局的話，都要入去睇一睇！

PRISON

公司自從裝了Hidden Camera後，前天終於出現了第一波的算帳，
講真裝camera為了保安，依佢0地0既性格邊個相信呀！
好啦，現在竟然出現了一張"目訓覺表"，
計底了所有人邊個邊個目訓著，邊個邊個停手冇做野，
聽講連離開座位多都被人計帳，仲要做份統計表出來，連平均數都列出來。

講真如果唔係佢0地自己做錯野，上個月都唔會咁少數啦！
現在就將個鑊卸被我0地，唔通佢0地想我0地七個鐘係咁做呀，
跟著做到有永久性關鍵炎，就跟著問公司"手羅"工傷賠償呀！

公司的一首詩：
返工訓覺
等於劈炮
草木皆針
不篤自爆

重陽節

點解？
難得的重陽假期，點解唔叫我起身！
難得可以咁多人飲茶，我好耐都冇食過點心呀！
我只係返完通宵?！
點解就留下我一個！
我起到身0架！
...
..
.
好想去飲茶呀~~~

看後有感

近來看了兩套電視劇和一齣電影後，總是有些說話鬱在心頭，
可能打開一、兩本心雞湯的書都講緊相同的話題，
甚麼、甚麼珍惜現在...甚麼、甚麼不應忘記...
但最使你窩心的，還是一段情節在心肺間"腰"了你一下，
千絲萬縷盡在心頭纏！

前天的《一公升眼淚》第一集、昨天的《迷》和今天的《命運自選台》，
徐徐地敲打著大門，逼使你憶起理應知道的事情。

生活是變幻無常的，再殘酷的生活都需要面對，
其實“改變不了的事實”都在改變中，
盡頭是來得很突然的，但自己所曾做的卻很少！

《迷》裡面的老翁，為了患絕症的黑人老婆，
只懂得不斷尋找名醫，希望把二人相處的時間延長。
其實相處從來都不計長短，只在乎二人的經歷和感覺，
在回憶裡的剎那，就是真正一切擁有的。

我們沒有《命運自選台》裡的控制器，更加不可以跳下一章！
有的--只有逃避，控制器其實就握在我們手裡！
朋友、同事、親人都需要時間經營，經歷過才是真實的，
陪朋友去咖啡店喝一口，還是獨個兒打機，時間都向下一章發展，
永遠都返不到上一章，過去的就是"Forever and ever"~~~




爸媽，十二月等待你們歸來！

《詭絲》

今日原本只想預買明天《無間道風雲》的戲票，
站在電影院前，看著看著今日上映的電影列，
但不知何故，心裡總是對《詭絲》有一點點...想看，
一股衝動，就義無反顧地購票入場，
無何否認地，我確實對亞洲電影抱有一份期盼的，或者叫情意結！

台灣電影，我總是覺得係"三分驚喜，七分想死"！
節奏總是掌握得太慢，只有少數的電影能一躍國際舞台，
《詭絲》總體是一套合格的台灣片，
張震--型，江口--有進步，大S--則略為拙劣
整個脈絡、戲軌都是上乘之作，只是有些位會使人發笑，
而且都是某些特技鏡頭，為甚麼做特技的不能做得好少少呢？
(地鐵反車那一幕，blur0左佢就得啦，為甚麼總是做得清清楚楚呢)

最後使我有些遺憾的是...credit...
你可有想像一套標榜是台灣電影，但幕後人員竟然是:
攝影指導：黃岳泰 動作指導：董瑋 音樂：金培達 電腦特技：Menford
只得導演係台灣人，美指係日本人，究竟係全球化問題，定係大中華的問題...
我想睇一套本地化、高質素的電影呀！

------------------------------------
其實齣戲真係幾好睇，
每個角色都有自己解決唔到的問題，
面對生死、面對選擇、面對內疚，
尤其是面對自己、面對別人。

親人，那條絲是恨意，其實更多的是愛意，
最後存在可能都只係想為你多做一件事，
"鬼"的存在可能就是要完成這個願望！

結果--雙眼濕了...

十二怒漢

十二怒漢








一套我很喜歡的電影，我記得第一次看這套劇是明珠台播映的，
不過那時我未能看完齊套戲，最後我在HMV買了原裝DVD版。
估不到那原裝DVD不是明珠台播的版本，因為DVD是黑白版本，
我才驚覺那時的彩色版本是電視翻拍版，而且DVD只得英文字幕，
所以只能把它擱置在櫃中--封塵....(最慘係我之後見到有中文字幕的亞洲版)
最後我都未能看完整套戲，暫時又多了一個遺憾...或者叫"期望"，
等待著看完的一天~~~~

前幾天在地鐵看見"劇場空間"要演出這套戲的舞台劇版本...
攪到我個心...真係呀....好想睇tim.....

但月尾....好窮...哎...

《聯合93》

昨天終於有機會走去睇電影，數數手指都快兩個星期了，
慘啦！暑假過後就冇0左早場，跟著二個月睇戲都要買貴飛，
學生們呀！我開始懷念你們~~~我真心0架！....廿蚊我真係懷念你0架！

《聯合93》只係一張poster，我就已經被它給吸引住了，
其他的《毒蛇嚇機》、《日本沉沒》都被我踢在一旁！
加上美國月頭有成堆trailer發放，在這樣的氣氛下...
我冇可能抵擋得住，雙腿已經不自覺地就踏入了戲院，
感覺真係如何地"自然"le~~~~

結果，我睇到中場時開始有些唔舒服了，
"唔舒服"！？冇錯！係唔舒服，原因大致有幾個原因：
1)太凍
2)鏡頭太搖擺了
3)曾經有搭機想嘔的經驗，看見機艙後又即刻憶起！
再到撞WTC時，身體再凍了一凍，更打了個冷震，
每次再看見撞世貿時，總是由心打出了個冷震、身體就會凝住！
真係好凍！心好凍！點解可以咁凍！又再憶起了！

最後去到尾端臨撞機時的十分鐘，
乘客打最後電話俾自己的親人，說上最後"I Love U"的遺言，
才後悔和驚覺自己有最應該要做的事未做，
"辭職去照顧兒子"、"保險箱密碼"....

如果我0係一架失事0既飛機度，餘下人生最後少少時間，
我知我會打俾邊個，但我唔會講咩遺言、情話，
只要閒聊就可以了，仲在生的人還要生活，不要為對方增添陰影，
尤其係對自己最重要的人....

冇做運動的結果!!!

昨天，遲了起身，跑到小巴站時，
身邊有很多學生經過，才驚覺是九月一日--開學日！

等了三十多分鐘，經過了兩輛小巴，都是full bus！
最後氣惱地沖跑落斜坡下的前一個小巴站，才能登上小巴，
但都已經遲了二十分鐘才能返到公司！(氣到爆)

故事發展得好像很平常....

直至...

...十時正，坐在電腦前，拿起了水杯想落樓裝水...
點知...點解雙腳都升唔起0既....(心諗，唔通DU"手孟"腳)..

最後...
..
.

最後，發現應該係拉親雙腳，今日返工都仲拉住拉住，
好慘呀，好痛呀~~~

這個就是冇做運動的後果！>.<~~~~~

又渡過了生日了

二零零六年●八月二十六日●又過了一年的生日~~~
現在是零時二十分！

不過還在工作中！>.<~~~

禍水 -- 今次真係禍水law~~~

剛剛睇完早場，原本應該係昨天睇0既，
點知...起唔到身...1130開場，我1140先到戲院，
好彩冇上網買飛jar~~~

不過這齣戲好似得不到院商的支持，大都只是在細院放！
雖然心裡都已經有個大概，應該都只是一齣二線電影，
不過想睇這齣電影多過其他，例如《邁阿密風暴》或者《狗咬狗》，
但係點解!?...真係唔知點解...0係apple網站睇到時已經好喜歡了~~~
一點都沒有理會係一個咩故事，就已經任性地決定係必睇的戲，
完全沒有被"禍水"這個爛名所影響，(大陸更離譜到譯為"水中女妖")，
點解唔可以譯一個好少少，唔好似鹹片名得唔得！

但這齣戲真係唔係咁適合香港人睇，
有0的深0左少少，不是一齣娛樂性強的電影，好強"導演性"0既戲！
故事簡單講就係'在一棟公寓裡講一個神話"，"神話"本身已經唔適合香港人，
你見成龍都要返去古代先敢用"神話"二字，
在現代社會裡講神話，尤其係都市人...佢0地會打冷震，
神話?可能佢0地認為由低層做到bill gate咁，咁就真係一個神話，
神話已經唔會在現代社會出現，因為這裡已經沒有"相信"二字了，
相信"神話"、相信"預言"、相信"故事"...都市裡已經找不到了...

但片中有幾個估唔到0既地方：
1. 睇到片尾，先發現這齣片係杜可風做cameraman~~~
2. 上網翻查，先知片中的寫"cook"book個作家就係導演...真係估唔到！

真係有好多野想寫，待續...

工作的地方--天空！

天空中有很多的顏色，每天都像看著一齣齣的影片，
萬里雲中，你聽不到一點的聲音！
但從地上看，雲端證實了是繼續放映著的，
地下的生活都是放映著，改變都不斷上映，
而且映期總是這樣慢長，但又霎時間已經不是播著那齣映畫了，
不要問為什麼，
不要離場，
繼續用心觀賞，
繼續提起精神地解譯每齣映畫！

因為每一齣映畫都是一片絢麗的天空，每一刻的光與影都是使人難忘的映畫！

相遇 -- 機會率

人與人之間的「相遇」真係很奇妙，
如果要計算「相遇」的機會率可以從何計起呢？
香港接近七百萬人，全中國十三億，全世界更有六十億，
「相遇」是否應該是六十億分之一？
以人口計算...好像有些問題...

香港有七百萬人，如果全部空間站滿人，
應該可以站滿十倍的人，即係七千萬！
全世界就即可以有六百億可以站立的地方，
「相遇」是否應該又是六百億分之一？
以空間計算，又好像有問題...

如果再加上時間，「相遇」的機會率就更不確定、更加擴大，
再重重疊疊上去，「相遇」就應該是無限少了，
人與人之間的相遇原來係這麼難得...

近日知道未來會有些同事會離開，有人讀書、有人去旅行，
將會離開公司的同事們希望會再有相遇的機會吧！
就像近日我同NDS-L相遇般！

我中0左毒 -- 電影毒

我今年入戲院所睇的電影，真可以講係我二十年人生入戲院的總和，
因為以前都係睇DVD或者睇電視轉播，尤其今年睇了一個月的電影節電影，
漸漸...睇電影都開始使生活變得麻木了！

但又真奇怪，我又會一部接一部地入戲院繼續睇，
我曾經想過，我是否已經成為了「視像中毒者」，
一個需要不繼苛索光影的沉溺者，
縱使拖著身體都要爬入電影院，
一張灰暗的臉看著閃爍的螢幕簾，
雙目只會向前看，眼皮都不敢放下，
腦裡則不斷思索，
思索著...我應該就快毒發身亡！

今天我又頂著毒癮，只睡了兩、三個小時(失眠)就走去睇早場，
一套期待中的《加勒比海海盜2-決戰魔盜王》，
但奇怪地APM的音響表現的人聲極"民"，
心裡不斷欺騙自己：「我咩都發覺唔到、咩都發覺唔到」
可幸《加》片本身可以keep到第一集質素，
更難得《加》真係絕無欺場，心情一直維持抗奮，
直至...直至...
...直至..結尾...明白了...
..明白了「原班人馬」、「第三集」的意思，
萬千個不願意，看著螢光幕的心情直插谷底，
.....
...
..點解會係咁...
..

反斗車王 vs 魔怪屋

今日又睇早場呀！好多細路呀！好多拖友呀！好討厭呀！

難得今年有咁多高質素的三維動畫上演，真係值得每場都入場欣賞，
不過睇完Pixar做的《反斗車王》和今天史匹堡的《魔怪屋》，
終於明白到Pixar仍然係動畫界的一哥，地位真係冇得動搖，
無論render技術、故事內容、連粵語片的配音都可以值得細講，
但軟硬的配音真係...真係...真係一?！

反觀《魔》片，都係值得講，不過就係慢慢講佢0的問題，
無論故事到動畫都卻還欠缺些少，總是未能到位，
尤其最後DJ叫個老伯走、離開間屋時，唔知係翻譯定真係劇本問題，
好像係為了要寫到間屋一定要發瘋，穿鑿附會的一個三流劇情，
可見史生對動畫仍然未看透，仍然抱著對傳統真人電影的拍攝方法，
未能滲透動畫的演譯方式，希望這套只係史生的試金石啦~~~

最後講多一句，Pixar製作的電影好睇的地方，
係故事總是由一個中心思想包圍，
這個中心思想就係貫穿全片，使人看得很舒服的地方，
亦都是使人最窩心的，離開戲院後仍可以細細回味。

古巨基-愛得太遲

近日電台播古巨基的新歌，聽後真係有些感觸，
我前幾天先知母親對手出了事，個個都知，而我係最後一個知道，
好彩聽佢講現在已經冇咩事0者，但個心總是...
我想都應該要多0的打電話俾父母，如果唔係真係"愛得太遲"！

要努力自省！


愛得太遲

歌手：古巨基 | 作曲：楊鎮邦＠宇宙大爆炸
填詞：林夕 | 編曲：雷頌德

"日夜做 見爸爸 剛好想呻 卻霎眼 看出他 多了皺紋
而他的蒼老感 是從來未覺 太內疚擔心

最心痛是 愛得太遲 有些心意 不可等某個日子
盲目地發奮 忙忙忙其實自私
夢中也習慣 有壓力要我得志

最可怕是 愛需要及時 只差一秒 心聲都已變歷史
忙極亦放肆 見我愛見的相知
要抱要吻要怎麼也好 偏要推說等下一次"

每日一驚喜 之 珍禽異獸

(圖一) 成尺長的蟷螂
(圖二) 好大隻蜘蛛

其實我在這裡返工，差不多都有一年半了，我覺得在這裡確實大開了我眼界，珍禽異獸真是盡收眼底，在城市裡真是百年難得一見。上星期就有隻一尺長的蟷螂，前晚又有隻紅色蜘蛛，回想過去我看見過的...有...
1)蜈蚣(成日見)
2)兩尺長的竹型昆蟲(記得佢0係玻璃門前，出唔到去)
3)無數的飛蛾、飛蟻、蜜蜂
4)蜥蝪(成日出現在隔離尿兜)
5)蟷螂(廁所天花曾經發生過蟷螂對飛蛾，後邊仲有隻蜥蝪，精彩呀！)
6)金蟬脫殼
7)掛在樹下的毛蟲(掛在必經路上，搞在成身絲)
8)太多呀...

《Crash》撞車

"It's the sense of touch. In any real city, you walk, you know?
You brush past people, people bump into you.
In L.A., nobody touches you.
We're always behind this metal and glass.
I think we miss that touch so much,
that we crash into each other, just so we can feel something."

今個星期五又走去apm睇早場，原本應該係上星期睇，
但上星期個院爆晒，如果0係大院做就應該有大把位。
講真這齣戲係我近半年來，唯一使我留到眼淚的電影，
細路出來救父親那場戲，真係...價得留！

可能我去過美國，雖然只得一個月咁大把，但都睇過果邊0的生活，
我慶幸自己冇只係走去0的書店，
冇 去過0的美術館(忘記0左去moma>.<)，冇扮野去0的大學睇(因為冇錢)， 所以大都只係在街頭上行走，反而睇到更加多美國個狀況！ 美國可以看見很多身上掛著"Have AIDS!NO HOPE!"紙牌的黑人， 聖誕節時候又會消失晒！(其實白人都有，不過少0的) 八、九點時，肯在街上行走的，大都只有黑人或者0的墨西哥人， 屋0的門和窗永遠都係緊閉著，一點的光都流不出屋外， 站在街上的人永遠都不知道，成個區究竟有冇人。
在美國，看見到很多墨西哥人，但如果佢0地連英語都不懂時，
就會連0的黑人都會嘲笑佢，問佢0地識唔識英語，
唔識溝通，就會連被人睇低0既人都會識得睇低人。

而且搭巴士時，更可以睇到美國問題，
巴士後座大都會被0的爛撻撻的黑人坐晒，(有好多零食碎、袋)
中間就會係0的華人、墨西哥人或者其他種族的人。
(但我阿爸和屋企人就好喜歡坐後邊，所以我都被迫坐後邊)
你會知道美國某些區域係黑人區0黎，簡單0的講即係公屋或窮區，
所以某0的巴士線會經過0的黑人區時，縱然係同一個目的地，
你會看見特別少其他種族0的人搭果條線0的巴士，
大家都會落了重重的閘！

每天報章都可以看見有人被槍打死，
美國係一個用「傷害人的工具」去保護自己的國家，
可能未保護到自己時，已經傷害到自己！
唔通美國真係要"we crash into each other, just so we can feel something"！

星期六去磡(飲) 之 第二代表弟妹巡禮

(圖一)這個..這個呀..坐0係我隔離！超愛打機，手上部PSP原本係我打緊架！
(圖二)這個係圖一個小表弟個家姐，
(圖三)這個表弟，其實都幾型仔架，但係我一直都搞唔清佢同佢細路個名！
(圖四)最細個的表妹，但唔知點解佢成日俾人叫佢"變身"....
(圖五)我呀！梗係要戴帽遮0下，我這種"老餅"戴帽唔止遮髮線，係要遮樣！

今年要飲都飲0左差唔多一半，要結婚都應該會到年尾先又到另一輪，
計0下仲有一位同事和另一位親人都會預備結婚，
今年好日，真係好得咁緊要！？我都未試過一年飲咁多次，
但我這個年齡層，睇黎未來日子都應該會有排飲~~~
不過人情就...有排俾...好窮呀.....

p.s. 以上圖片皆由圖一的表弟拍攝

父親節

今年的父親節和上年一樣，因為老豆唔0係香港，
冇需要特別慶祝，以前大都是出街飲餐茶就可以交差，
但自上年開始，父親母親節都很傷腦筋，
一來已經出來做野，二來兩老都不在身邊，
買禮物有很多顧慮，驚咁樣唔好、咁樣又唔得，
最後只有買張父親節咭，但都係遲0左寄出！

雖然今年仍然冇送禮物俾佢0地，講真以前真係冇送過，
所以我應承自己等年尾兩老返來時，一定要補返份禮物俾佢0地！
【今年終極目標--兩老禮物】

--------------------------------------
就咁樣，我星期日放工後照常又走去APM睇早場，
原來諗著睇《再見、流浪犬》，點知看見到另一齣電影...
..唔係Crash...雖然crash我都想睇....
係韓片《我生涯中最美的一周》，0係《再》與這兩齣摧淚劇情片中，
點解我會選擇了《我》片呢？
可能...可能我較喜歡一些複雜的劇情0卦...

《我》片的人物千絲萬縷，大家都有各自的愛情故事，
但其實大家都係互相牽連著，大家的生命一直都是穿插著其他人，
有的擦身而過、有的改變了別人、有的牽手同行，
相遇是生命中最難說得明、最微妙的事情，
可能到人生的最後都唔知自己曾經相遇過，
電影的呈現，也只能簡單、片面地表達到這一狀況，
努力地生活、用心看同行的人，感受每一刻，
大家都有著不同的故事，不需要羨慕、不需要討厭，
當你羨慕時，人生最美的可能已經走到你身邊，
當你討厭時，最差的時候其實你已經走過了。

我們擁有的情其實太多了，
親子情、同性之情、情侶之情、夫妻之情、
人神之情、暗戀之情、錯過之戀情、遲暮之戀情...

Moon River, wider than a mile.....
柯德莉夏萍，My Favourite~~~

(註：齣戲我係冇感動過，感動位唔得，眼紅都冇0的，
但我喜歡結尾電影院老板放電影那一段，
係一齣應該聖誕節放映的電影！)

二零零六年六月十一日

天空下著雨粉，放工後在街頭上急速地走著，
走進apm的商場內，人煙較預期般多，
可能假日多一家大細飲茶，
但整個商場卻顯得怪寂靜。

在膠閘外，等了十數分鐘，
較預期早就買了張電影戲票，
走入了二號戲院，坐在紅色絨凳上。
人群開始緩緩地進場...

光影開始發揮效用，跳過廣告後，
演員名單開始出場...《凶兆》...Omen..
最恐怖的...亦開始出現...
畫面出現了奇特的怪影...
冇錯...
係怪影....

係最討厭的人影，..係...係戲院的工作人員0係度巡邏~~~~
有冇搞錯，佢差不多把畫面cover了一半，仲要成套戲有成四、五次~~~
係成齣戲最凶的地方呀！好慘呀！！

冇戲睇呀!

哇~~~成65個百分比，真係點做喎~~~
《海神號》 個片商突然向院商加價15%，搞到現在只得UA上畫，
跟著華納另一套《超人》都只會有UA上畫，真係十分麻煩~~~
當然我係絕對支持本地院商，外國片商很多時都欺人太甚，
而且對中國電影史有認識的人，都知道外國片商的專制，
上海曾經成個院線都要放影外語片，
經過一段時間先爭取都有自己院線放國產片，
現在仍然有很多地方都有放片限制影響，好似韓國等...

無言，好電影係應該唔受國界限制，
但如果係搞手段、為利益的話，
我只可以...只..可以...唔睇...
..暫時唔睇...

好在仲有《加勒比海盜》、《鬼域》、《Omen》...
好彩，六月冇咁多戲0者，我已經冇咩錢呀~~~好窮...

再次睡過頭了

數天來，不知甚麼原因，起身 已經是下午七時多些...
上上網，對著電視機抖擻一陣，就已經夠鐘返工了，
可能月尾冇錢的生活，特別簡單易過，
在床上總是有聲音說著...「睡多陣呀...睡多陣呀...」
就這樣時間就走過了...

其實還有很多工作要做，
洗碟、洗衫、執屋、生活...
...不如都係睡多陣吧！
---------------------------------

人大0左，經常會看到的笑臉多0左，
一張滿面淚的哭臉竟然少見了，
幼稚園、小學時經常可以看見同學們放聲大哭，
很嘈、很大聲、很真實，
是成人們開始學懂憐惜自己的眼淚，
還是他們學曉了笑呢？

近日看了兩齣電影--《達文西密碼》和《xman III》，
兩齣都是一套長大了的電影--學懂了笑的電影，
學懂了特技、學懂了大製作、學懂了宣傳的笑片，
甚麼都沒有的電影，
好似長大後，身邊曾經經過，但總是記不起的事情，
永遠都叩不到你的大門...可有可冇...

還是喜歡歐洲片、港產片多些，
近多些，情多些，淚多些。

兩天的飯聚

近兩日約分別了City和中學的舊同學聚0下舊食0下飯，
同學樣子轉變不大，但話題卻已經不是以前的功課、學校等等，
返而多了談論工作上的話題，
與以前幼稚嘻笑的談話氣氛已經不同了。

尤其中學同學，談話的話題竟然會去到Plasma和LCD身上，
讀中學時可能想也想不到，漫畫遊戲機可能已經夠講半天了，
但現在返而談電影、咖啡，加上舊同學的狀況和同學的女友朋，
有同學讀Engine、
有同學剛畢業、
有同學返過國內做野、
有同學入冊做警察、
有同學拍拖，
同學們都已經長大了...

我感覺上還是停在中學畢業後的位置上，
一份安穩(而且其少)的收入、
沒有壓力的工作、
日復日的返工、心情，

生活已經麻木了，
拍了拍自己的腦袋，已經半空了...

笑.

《龍鳳鬥》

前幾天游游閒閒終於開封了那隻《龍鳳鬥》，其實放在家中年多了，
但不知怎樣，就是不想看，
因為我是被劉德華和鄭秀敏唱的主題曲吸引才買下來的，
所以從歌曲裡幻想了太多的畫面，擔心看了後，所有的畫面都會消散，
人就是害怕失去，尤其只存在腦海中的，更是最煩擾心間的...

結果，真的和我理想的相差太遠了，
主題曲《如果我有事》的畫面太使人動容了：

　　　如我若有事你會很寂寞 你獨個行樂怎可快樂
　　　你沒我的運氣能先走 畢竟能早登天國
　　　但我若有事你要孤獨做人就從頭再學
　　　學習到天邊海角 一人拼搏
　　　你這主角 沒有配角

劉德華戲裡對白：「估到」和「肯定」係唔同...
如果我一直唔開封，只係「估到」，可能會幸福些...

落C更前的三日

今晚終於搵返一個舊同學食0下飯，如果近日唔搵人食飯就無機會呀，
到我星期五調落C更，我就會變返自閉，日夜不見人！

點解0的同學可以咁有錢架！
阿Ken就可以去英國~~
康橋就去馬來西亞旅遊~~~
超妒嫉囉，點解我仲要還loan....好窮呀...

黑社會

《黑社會義和為貴》上畫後，終於忍唔住，
星期二即刻走0左去買第一集<黑>的dvd，睇完後...
只可以講<黑>第一集係Johnnie To集大成之作，
開頭的敘事方式和尾段的黑社會儀式，簡單直接，
是杜導演很少有的電影交代方式，俾《大隻佬》的敘事更簡潔，
少了像講道理般的那份沈悶，入會儀式那一幕更是形式中的儀式，
形式的世界(虛像)和任達華結拜(真實)的剪接，電影的時空剎時擴大了。

人物有<槍火>那種微妙的關係和張力，每個人卻披了一層陰沈的暗面，
有兄第的感覺，但又有種隨時會俾人0係後面插一刀的處境。
最後任達華突然殺梁家輝那情節，更是來一個回馬槍，
觀眾看見應當大團員結局時，竟然任達華出現殺意，
為電影那句slogan「愛兄弟 定 愛黃金」來一個呼應，
再加上片尾那首幽怨的『對天歌』...使我更加想睇第二集~~~

---------------------------------------
今天一早就撲落apm睇早場，但可惜《黑社會義和為貴》只有0係細院做，
睇完後，又冇第一集有咁多野諗，可能因為係關係簡單0左，
人物就真係唔需要好似第一集咁形造出來，主線只落到古天樂身上，
就像只返到主角第一身的敘事方式，只有古天樂這個第一身，
敘事方式、舖排卻有些少又掉落返傳統電影的框框內，
唔通第二集多錢拍0左，冇第一集咁認真...
感覺上第一集質感重好多，從props、場景可以見到很多社會的絲線，
但《黑社會義和為貴》卻少了很多，更有些少似明星片，
縱然鏡頭"手羅"得很好，有很多不錯的長鏡，
肉醬那一幕靜音，俾看不見更見沈鬱和恐怖(有"危險人物"的影子)。
但在鏡頭下，都將每一個人都矮化了、或者稱他們被軟弱化了更恰當，
是導演專登矮化他們，還是將他們回歸平凡呢？

可能真係要將兩部戲90幾分鐘0既戲剪在一起，先可以看清《黑》片，
但兩集已經是節然不同的戲了，包括攝影、色彩、剪接都已經風格相異，
可能只睇其中一齣就夠，這樣會更加好，費事有比較！
(其實第二集點解多了咁多gag位，係唔係為了平衡番0的血腥情節呢??)

p.s.有同事話似邵氏0的電影，但我覺得血腥畫面邵氏會激0的law~~
但血腥意識《黑社會義和為貴》就應該比邵氏仲好，話晒係現代片~~~

四月三十日

(圖一)阿嫂個姪仔，0係度扮船長
(圖二)karen佢0地搵0左成隻腳板咁大的青口，最後竟然放返落海
(圖三)船上的轉聲筒
(圖四)勁呀！其他人要用兩隻手先划到，船員只要一個槳就划到勁快~~

昨日dayoff走0左去遊船河~~~
結果，得來焦濃了的兩隻雞翼臂...

明天先再講...

頭痛!!!

昨晚唔知咩事，頭痛0左整晚，
因為咩事頭痛真係唔係好知，
吹風、淋親，定係...總之就係頭痛啦~~~
最後連起身返工都唔記得0左，好彩起身後就冇痛0者~~~
無端端請0左日假，希望可以用0的時間執0下屋啦~~~

--------------------------------
今日用0左sick leave時間，終於睇0左「藉著雨點說愛你」隻DVD~~~
點講le....
...
..
...好好睇...我幾喜歡....(深深吸了口氣)
野良縣...生活...好簡單....好羡慕....(跟著呼了那口氣)
窗外下著雨，留在家中平淡地渡過了一個有著雨水味的下午~~~
久未這樣游閒了....
...
想睡了...
.

星期日

(圖一)金菇豉油雞和薯仔番茄湯拉麵

估唔到食0左成年「大家樂」後，現在先諗0下自已煮野食，
雖然味道就差好多，不過食野就可以平好多！
出面食野真係好貴呀！講真成年都冇存到咩錢還債(loan).... 希望可以做多一年野還清佢啦~~~>.<

Good night and good luck

匆匆忙咁就渡過了兩個星期的電影節，還未miss過一場戲，
手頭上還有四場戲要睇，兩星期的經歷確實是一個挑戰，
但從中，我發覺了自己原來喜好係0的咩，
一個唔錯的自我探索旅程，
我諗我應該唔會再有機會可以咁瘋狂地睇二十幾場戲，
看到雙眼麻木、累到時時刻刻都可以睡著、一日到咁多地方睇戲、
一個麻甩仔點樣0係戲院搵位、點樣打法未開場的時間，
神呀...我好"支力"呀~~~仲有三日呀~~~

今晚，係我睇0左咁耐電影節其中最好睇的其中一套~~~~
"Good Night And Good Luck"~~~
一段仍然記得的美國傳奇人物，
久違了的角色，好耐冇見過咁有魅力的主角，
對白、音樂、人物關係更是難得一見，
熟練的鏡頭和電視機內外關係是現代電影裡難以尋覓的，
加上播放時出現了斷片，感覺真像回都了一個六十年代的電影，

可以使你睡唔到的電影，
可以鎖著你雙眼的電影，
可以使所有出戲院後都會討論的電影，
只可以講一個字...Bravo~~

真實，我還依稀記得個主播最後的報道，
好似係報導吸煙會導致癌症和他生癌退休的消息，
佢係美國現代新聞的先驅，
真係好想睇一睇佢報導的新聞，
佢講的"Good night and Good Luck!"

"火羅"爆！

估唔到只係連續睇0左三日戲0者，竟然都已經神智唔清醒成咁，
放工截小巴時，個腦轉唔到竟然截錯兩架小巴，
俾0的同事笑死！
講真果時我真係諗唔到野，我做緊咩我都唔係好知~~~
總之後日返工預0左俾佢0地笑la~~

至於今日就又睇0左兩套，
最可惜係如果我早0的到，就可以連isabella都夠時間睇~~~
好可惜！

17歲之風景--講真又係一開始有大堆日文講，我又睡0左頭二十分鐘 (真係好累)，但果二十分鐘又唔係真係好重要，個故事簡單非常，就係一個十六歲少年殺0左佢阿媽，跟著就騎著單車走0左去流浪，八成畫面都係個少年不斷踏 單車，中間穿插路上遇見的人、少年殺母的畫面和之後的感覺，齣戲著重少年踏單車果種感覺和經歷。好彩之前讀過"japan in film"個course，都明白到日本片要睇多0的和諗多0的，佢0地好多時都係表達緊社會問題，所以要諗多0的日本環境先會了解導演想做咩~~

因你的雨雲使我不變做爛泥--由《在世界中心呼喚愛》個男主角--森山未來演，但今次佢要演繹一個騎呢、被欺負的過氣童星，雖然畫面、故事都做得出色，但我覺得仍欠些瘋狂、唔夠放。唯一反而我較喜歡係最後主角返到家後，屋企變成了普通人的家、正常的飯菜，終於走出了過去童星的陰霾下~~

這篇係我0係"榮0下榮0下"情況下寫，我真係要目訓ar~~~
好"支力"、好"支力"、好"支力"呀.....

連續三套戲

我一定要寫低佢，如果唔係，我驚我會再冇機會~~~
一天睇三套戲，真係"手羅"命ar...
仲有十幾天戲要睇...

我的野蠻畫家--歐洲片預0左會悶0的，因為係講畫家，所以見到佢0地係特登"手羅"得好似繪畫構圖咁，個畫家係女扮男裝就真係睇唔出，睇完後真係有好多野需要諗...
Hold Up Down--一個字"正"，開頭就好有日本cult片特色，冇咩失望，0的long take做得幾好、有心機，之後去到溫泉館後，就變0左"功夫片"加"鬼片"，動作有以前香港功夫片特色，不過動作就乾淨0的，片尾時好多時都有人拍掌，氣氛好好。(真係搞到好想買翻隻碟留低)
貍御殿--唔...知佢想做咩，但有0的失望！佢挑戰傳統電影敘事方 式，故事話轉就轉，而且鏡頭穿梭於平面、舞台和真實(傳統電影取鏡方式)，看得更加零亂，開頭和結尾那種說故事手法，在【羅生門】時已經用過，加上西方樂 式和「能劇」的表演，簡真係大集燴~~只係過份依靠後期，導致好似"退地"有藍邊、0的人唔merge等問題，真係...如果有睇開日本片，其實都應該接 受到...

仲有，排隊入銅鑼灣UA戲院超麻煩，要係地下排隊等，跟著先用貨"車立"上去睇，睇完又要落翻0黎排過，最後仲要俾個搬貨工人鬧~~~好彩鬧"手查""車立"果個0者~~~

睇完後感想:腳痺、肚餓、好眼目訓~~~

拜山

(圖一)細果個表妹，這張係由佢家姐影的

每次親戚聚會，我最唔想見到就是這一大一細的表妹，
唔係拉衫、大叫、吐口水，就好似今日咁爪人，
我諗佢0地過多幾年應該會定性...0的瓜...
(只要唔好變成以前公司裡0既姨媽咁就得ar)

拜完山、飲完茶，跟著又一條友仔走0左去睇戲，
冇錯~~就係我等了很久的【千里走單騎】，
雖然已經有得買大陸版的dvd，但這套我紿終想0係戲院睇，
情意結0既問題....

其實我頭十幾分鐘因為大累關係，我都係半睡狀態下，
鬼咩，講日文、仲要係文場戲，可能仲唔係張藝謀拍(我覺得)。
不過當高倉健到了中國後，0的內容就好睇好多。

中間有幾場都幾睇到我有0的眼濕濕，
父子情，我開始明白張藝謀點解會拍這套電影，
而譚家明又會出番0黎搵郭富城拍父子情，
父子這東西，簡單、但係卻很複雜，
女人更不會明白，父子點解有時會恨如仇人，
但卻可以為對方愧疚一生，而永遠互不相見！

最後，《千里走單騎》，
高倉健見到的千里走單騎，真如他兒子所說的，
真係唔係好重要...
...
..
...真係重要咩...
.

四月四日電影節開畫la~~

(圖一) 電影資料館內的佈置~~~

今屆電影節終於開畫，但你0地特首就走去睇isabella，
我就買唔到飛走去睇《999廿四小時奇案》，
真係有少少為了鬥氣，無理由第一日冇野睇呀嘛！

不過以前【光藝】電影都幾特別，起碼係邵氏前的電影，
感覺上覺得唔會太過濫拍，而且貼翻住當時社會，
說話語調簡直一流，
「咁就冇錯呀，冇錯呀」
「哦！那支唔係槍0黎，係我剛剛"手羅"0既蕉0黎」
(謝賢0係褲袋"手羅"隻蕉出0黎)
「我專登放你出0黎，咁我咪可以破案快0的0羅，哈哈」
(這句0係完場前警長講，全場爆笑)

但難得知道了一位okay得0既粵語片演員--嘉玲，
而且仲見到羅蘭姐後生果樣，
第一天都算唔錯！

《獨家試愛》

昨天去了牛頭角搞智能身份證，
影完相後就走0左去九龍灣睇《獨家試愛》，
因為公司有同事睇完話okay，
所以心癢癢就一條友仔就去睇，
點解...點解每次睇完戲都會諗0左大堆野出來~~~
我係唔係應該要改改~~~但唔寫出0黎，又好似唔知點~~~
雖然冇拍拖都想寫0的感受出0黎，翳住對身體唔好~~~>.<


-------------------
觀後感：
雖然電影只係描寫了現今香港新生代的結婚和戀愛觀，
但卻是活生生呈現了的香港這一代未長大的所謂大人世界，
everything is too young~~
成日說「愛」、「一世一生」，卻會背著伴侶發展另一段情，
結尾，方力申和鄧麗欣雖然和好了，但二人卻仍然保持與另一個人有聯絡的情節，
是否代表導演(/編劇)對現在的「愛情」有所保留或者失望...我唔知...

我只係覺得導演(/編劇)無意間用了七次的flash back，
每個flashback都很有意思，
都改變了主角們去發生的事，
戀愛的flashback就是我們所擁有的"記憶"，
係分手、係複合，一段愛情就是依靠這種"記憶"變成了有動力的"回憶"...
是愛情的縴絆吧...

1 and 2)倒敘方力申和鄧麗欣被朋友問"考慮清楚未？"，應該好多新人都會被問到的問題，是結婚時對愛情肯定的「回憶」。
3)方力申和吳佩慈坐在沙灘，回想惜日補習的時間，是二人可能會搞婚外情的伏線。
4)方和鄧二人在旅行社大吵，倒敘鄧麗欣偷看方手機的回憶，引申鄧回憶起結婚當日，吳對方抹汗的曖昧行為，成為二人分手的前因。
5)倒敘吳回憶方力申兩次的眼神，第一個係方結婚當日對鄧呵護的眼神，亦因此吳對二人戀情的羨慕，而插入二人戀情的主因。第二個係方在電梯再遇鄧時掛念的眼神，吳亦因此領會了方最愛的人，因失望而決定離去。
6)方回憶起鄧麗欣怕狗，而得知鄧沒有和廁紙ceo拍拖，才會去追鄧。
7)最後二人復合，就是依靠以前拍拖的「回憶」，才可以拉回二人的關係，就係這些少的回憶，才可以把之前婚外情的事(回憶)蓋下去...

片尾最後他們都去了日本旅行，可能導演(/編劇)無意間流露0左，
戀愛需要努力去創造「回憶」，先可以為未來愛情會發生的變數打下基礎~~~

但要營運愛情...殊不是一件易事...

未來的兩星期~~

(圖一)四月的時間表

未來四月頭都應該只會係返工和睇電影的日子，
應該都唔會做到其他野，希望我可以睇晒~~

但荷包就....慘....

喜宴

(圖一)一群同事(很多IVE人)
(圖二)Joyce and 細V

我很喜歡李安其中一套戲--《喜宴》，
裡面有一場關於"喜宴"的戲，對故事裡的人物起了很微妙的變化，
"喜宴"在中國的文化裡，並不單只是食這麼單純...

今日去了飲同事阿嵐的結婚喜酒，感覺上有些改變了，
我一直都覺得自己打工的公司的名字S.Bro是別人的，
但原來，我們已經0係不經不覺間已經成為了真真正正的"S.兄弟"，
全晚俾人這樣稱呼著，認同感很強，
眼看著五十幾位唔同時代的新舊同事，坐滿了五大張?，
「兄弟」二字，稱得上吧！
縱然離開後，關係都應該會繼續保持著！

買了一部SX-70，用了過期三年的底片，
相片很黃、很矇，像提早變舊變老的相片，
「情誼」--可能已經提早了--變深了....

最後，有五、六件對酒對死0左...
姨媽...唔好再飲咁醉ar...
飲醉唔會有回憶ga，
只有清醒先可以看見到，留得到一刻0既回憶...

頭痛

前晚返工的時候，唔知係唔係突然轉冷，
頭突然痛到快要爆炸，點之...
返到屋企，家中的四佬竟然俾我仲差，
而且仲燒到夜晚吐了出來！

好彩，睡了一夜後，我的頭痛已經好了很多，
但四佬就仍然未起得身，
所以返工時叫了三佬來睇住佢。
夜晚返來時，雪箱發現三佬煮的餘下飯菜，
好感動，很久都冇食過「家庭飯」了！

每天的每天

日復日，月復月...
返工的日子繼續~~~

前天一股傻勁就買了二十多張電影節戲票，
看了看銀行戶口，吹了一口涼氣...
算了吧！
由得我...瘋狂都只係得這幾年~~

-----------------------------
dark angel 和 angel的分別....
天使活在日頭，黑天使活在夜晚，
在陽光底下，天使才會係白色、神聖的，
在沒有陽光的地方，天使才會變成黑天使，
本質冇變，只係看0既人變0左~

新間表

今日出了新間表，很無奈地轉了返日間~~~
人工少了，又要朝頭早趕返工，遲到又要扣人工(好似學校咁)，
好慘~~

但另一方面，我就可以走去睇第三十屆的電影節，
時間就真係會幾充實、幾好用，係一次精神、肉體和荷包的挑戰！
諗0下諗0下...我都幾耐冇同屋企人出去食飯了~~
都應該係時候交代交代...
順便搵0下0的舊朋友出0黎食0下飯先~~~

最凍的三月一日

天氣突然轉冷，零晨時分已經跌到九度，

雙手很凍，看見的東西都很凍，所有的東西都凝結著，
等待著解凍的日子，完結終會來臨，
可能自己希望冬眠的日子能夠長一些，
但時間到時，想不離開，都需要起身離開！

第二天雨

今天又落雨，已經淋了兩天微雨！
遲早都應該會病一病~~~希望早0的好過遲！

新來的同事今天都算係可以講到少少野。
因為佢太似自己(只係感覺/衣著，個樣絕對唔似)，已經俾同事嘲笑了成個星期，
所以不經意間都會逃避佢，免得自招麻煩！

其實我都幾討厭同人「相似」，很早以前已經知道...
很早以前...

星期三放工後

星期三放工後，經過屋企樓下空蕩蕩的巴士總站，
耳邊收音機傳來標驃逝世的消息，
我呆站了數秒，非常特然！
當夜我在便利店中吃著宵夜，嘆了幾口氣。

哎...哎...

我非常喜歡驃叔那系列《富貴逼人》，
因為這系列曾經伴過我們很多過年頭，有太多兒時記憶了，
所以曾經考慮過想試寫富貴逼人第四集的劇本，
還特別買回《富》的dvd碟做資料搜集，
雖然這都只是自己鬧著玩，當然最後就不了了之...

戲中的驃叔、驃嬸帶著香港普遍父母的影子，
招弟、來弟、帶弟三姊妹更是各年齡層青少年的縮影，
六合彩連繫著香港人的心，在工作中發著的夢--發達，
想著發達後的瘋狂，真係能麻醉在香港生活的壓力！
當時八十年代係...現在更甚...

時間真係唔等人，到當你想做時...
可能已經冇機會...

機會只會留給行出第一步的人，
可惜，我...我唔係...

已經二十號了

放工後，聽著青芥的電台節目，
有聽眾寫了一篇文章，講著自己有甚麼計劃甚麼計劃，
但漸漸不斷的工作，為了生活為了養妻活兒，
究竟幾時先可以清醒...

青芥講沒有預定的，做0下做0下就可以...
每天都努力地做，是否真係可以做到，
不求成果，改變心態...

談何容易。

星期六，很冬

生活過得很難，是因為人會感覺到「難過」，還是...
收音機裡播著《虎子山下》，
人真係可以勇敢面對嗎？
還是事情已經慢慢地流過，不著跡地面對了，
已經不是勇敢不勇敢的問題，
人終須要面對，生活很難！

還是繼續遊閒的日子

日子一天一天過去，每天過著相同的日子，
睡到兩、三點起床，搖下搖下咁搭著104小巴返到公司，
變的只有天氣，心情跟本冇咩變過，生活有些頹廢~~

公司近來傳來了很多離開的聲音，
大家心裡都討論著公司收檔後，會有什麼打算，
公司人多，離開的都應該不會是少數。
望了望面前的顯示器，心裡想著"應該要轉一轉吧~~"
輕輕吸了一口氣，木獨地繼續工作，

我討厭「轉變」！
時間可否唔好轉得太快~~我已經感覺老了.

十四號

農利客... 哎....

放工後很累

今晚放工後，發現部電腦燒完碟後個硬碟死了，
雖然預了這個曾經壞過的硬碟會再壞，但真係唔想咁快到，
因為有很多未做backup的資料，很麻煩~~
...一次不忠，百次不用...原來真係事實來的....

《霍元甲》

今天一早就撲去APM睇早場《霍元甲》，鬼叫前天拒絕了同事們，
現在差不多全公司都看了《霍元甲》，聽他們討論劇情真係好殘忍。

看見了久違了的李連杰，人依舊、故事依舊、功夫依舊，
但故事很好看，是講故事的手法高明了，
還是我們的經歷、內心多了些東西，
可能是李連杰的青絲變白髮的過程，
香港人或多或少已經可以感受到吧！

有人曾經批評過香港那些〈大眾電影〉，只懂賣弄官能刺激，
只會不繼地寵壞觀眾，未能給觀眾思考的空間。
但係近年香港觀眾卻在這情況下已經茁壯地成長著，
對電影的要求其實已經比其他地方更高，
不斷教育大眾的不只電影，更多的是...生活，

以前拍《霍元甲》這類片，一定會大舉民族和抗日的旗幟，
但看看《霍元甲》和《藝伎》，民族和第二次世界大戰都少涉及了，
多了看顧個人的感覺、時代的交替，
中國和日本都曾經受個外國的侵占，一個個洋人站在民初的街景時，
時代確實變了，光輝的時代已經消失得無影蹤，
惟有自己，已經無奈地進入了另一個世代，
Fearless──無懼，多少人能無恐無懼繼續向前。

反看《無極》(雖然未看)，看見中國仍然有太多的包袱了，
可以放下嗎？電影、發展、人都有太多執著了，
黃沙、笛笙聲、老頭子，還可以看見嗎？
心裡突然冒起了一套電影《千里走單騎》，期待著...

"離開孫儷"和"結尾"時，我確實有些少眼濕濕。
同中村獅童沒有音效的對打那段，簡單卻更直接，
結尾孫儷再見李連杰那場，只有香港電影才可以這樣反駁、濫情，
亦只有電影可以給他們不可能的希望。

團年飯

今年團年飯出了旺角食，相較舊年已經多了些人氣，
但仍然懷念每年在家中搞團年的日子，
母親的蓮藕湯、油雞、蒸魚等等排在大圓桌上~~
雖然菜色簡簡單單，但氣氛卻是全年最頂盛的，
仔女們帶著自己的伴侶、朋友踏入門檻，
可以從桌面上能看見滲透出來的一個家庭歷史。
一對夫婦苦心經營的『家』，食物是何等豐足！

飯後一行人去了旺角花墟，但人龍太多了，
在雨粉的天氣下，行了又等、等了又行，
最後只能買了些年花和 玩具就離開了，但已經過了十二時，
回家後，只感覺到很累！
但明天還要拜年~~我可以怎麼辦？

p.s.竟然係花墟撞到舊城大同學擺檔，我冇心一腳踢開佢，只係自然反應！講聲對唔住先！

阿媽返來了！

阿媽返來了香港過年，開心、勁開心、超開心~~
希望下年可以連阿爸和細妹都可以返香港過新年，咁就可以一家人食團年飯呀~~

又做完了freelance(冇咩錢的)

應該要做的，都應該做完了吧！
幫完朋友和做完freelance後，就要繼續自己的短片，不要再無端端又走0左去做其他野！
決定、決定、決定~~~年尾一定要做到些東西來！！

很久以前已經想做一段動畫，一齣悲劇的動畫，好似《如果?愛》那樣，
但不知怎樣，動畫很自然會被人定位為給兒童看的，艱深的內容或者悲劇，
都像不太適合動畫這個媒體，動畫只能深入淺出來講故事。
「Still Shot」或者「慢鏡」在動畫裡得不到像電影般詩意的效果，只像製作人在偷懶。

以前我很討厭創作，很怕別人從作品中闡釋到真正的自己，
喜、怒、愛、憎、厭等等...最經常闡釋到的，我想都是「懶惰」吧。
看著那些愛恨分明的創作人，我都會有些嫉妒，
敢愛敢恨的人，作品中都會流露出真誠的感覺。
縱然我現在仍然未能豁達地創作，但希望在製作動畫時，
我能真正體會，瞭解多一些自己！
現在打這份工，應該我可以做多半年，希望半年間能夠達到目的！

這星期的工作

(圖一) 兩打雞蛋
(圖二) 返炸了二十多次的漢堡

剛剛忙忙碌碌咁過了一個星期，幫人拍炸雞蛋和漢堡，總算不過不失，
拍雞蛋時只係冇lock個focus同光圈，只係有少少鬆鬆地朦朦地，突然會爆光咁0者，
鬼叫只有一部handy cam咩，真係唔係好慣0的setting。

現在只要出了帶，就應該告一段落~~

DayOff!

今天係休日，希望手頭上的事可以早0的完結，跟著可以做返自己的事！

回想起《如果．愛》的泳池，金成武和周迅失意時都會躲進水裡，
曾經有人講過，人喜歡游水，係因為「水」好似我們在母親時的羊胎水，
在那裡我們都獲得到保護和治療，然後才來到世界，
自然地當我們受到傷害時，下意識地都想逃回水中。

但最悲慘的，當你逃到河邊時，
可以保護你的河流，卻已經冰封了，
是否這個悲傷是不可以痊癒的，心是否同那條河一樣已經冰封了，
直至有人可以與你赤裸地依偎在一起時，用體溫將冰封融化時，
真的可以痊癒嗎？體溫真的可以把眼淚抹乾嗎？

這齣戲我記得很多、都在心裡，簡單卻很深，
戲裡每個人都相信彼此的關係都係有目的，只是暫時性，
但每個人都傷了，痛得很深！淚已經流不下了！
陳導演拍出了需要經過了歲月，才可以明白的戲。