大前天的電影中心

因為有事經過電影中心，順便買票睇了《聖誕快樂》，全院差不多滿座，我都只能買到院側的單丁位。

《聖誕快樂》是這檔期我最期待和感興趣的西片，比《哈利》更感興趣，沒有哇眾取寵的電腦特技，沒有過千萬片酬的演員，歐洲片就是這樣，有的就是能使你淡淡然喜歡上。

在戰場上，睇到士兵們過那奇妙的聖誕夜，雖然確能使觀眾回心微笑，但不是歡欣的，他們只是在戰場上苦中作樂罷了，看後苦悶更是鬱在心頭。想了很多，對戰爭的、對事實的、對宗教的，原來一切事情都可以那樣無可奈何、被扭曲著，平民只可以繼續受苦，眼下的生活原來一直都不在自己手裡。

十二月二十四夜

二十四零晨，被通知平安夜有《哈利波特》的戲票，解決了平安夜的活動。

看完電影後，散場時感覺很失落，並不是能達到期待般的電影，只算是一部失敗作。是因為換了導演、是因為登不利多校長換了人、是因為演員都長大了、是因為戲路轉了、是因為香港人的女角冇預期般多戲份、還是製作已經開始求其了！

所有都有些吧！

想看的戲還有三部，《情義我心知》、《藝妓回憶錄》、《霍元甲》，三部都是講東方的電影。

2005的冬至

今晚返工打邊爐，人多十分熱鬧，放工前更有蛋撻食，渡過了一個不在家中的冬至！
雖然開心，但很懷念在家中過冬的日子。
返到家中就想跳上床，眠了先說~~

正在煩惱買甚麼聖誕禮物！點解世界會有交換禮物這樣的活動>,<~~

個半月後的日記

(圖一)某夜引起恐慌的主腳，結局死亡
(圖二)十二月頭的商場的聖誕裝飾

(PS. 這是我第二次寫的，因為寫完時個browser竟然死0左，好鬼激氣)

又是今日，我又由通宵更轉返去夜間，估不到我再寫blog時，已經係個半月後的事了。未來的dayoff時間和放假都好奇怪，dayoff星期二，但0的假就係星期六~~一個放孖day都冇~~好慘~~

其實在這個半月的日子裡，我多了有入戲劇，放工後就趕到APM睇早場，
已經看過：《怪?屍新娘》、《殺破狼》、《恐怖靈訊》、《天國可人兒》、《無國界追兇》、《如果?愛》、《King Kong》
期待的：一月《霍元甲》、《藝妓回憶錄》~~
但還是有很多戲都未有時間看，好像《宅變》、《孤雛淚》等等~~~
但在家裡塵堆中數隻的dvd，我仍然未有時間看，所以一直都未夠膽買新碟。

而且自己的荷包，一直都呈負數~~
可能我都一直花太多金錢在娛樂上，如買書、買雜誌、買碟、買電子產品~~之前一直都想搵副業，但心知自己工作已經少了很多熱誠了，可能到某時間或者階段，我會有些新發展吧！

人老了，自己會知道自己老了！近來雙眼都會較容易累，所以希望可看多些值得看的人和事。

冬日的聖誕！Merry Christmas!

十一月二日

今天，我又轉返通宵更~~

但係在我dayoff的時侯，公司發生了大變動，二位較資深的同事竟然被人炒了，明顯係想在搬前大整理，而且現在公司有源源不盡的新人供應，管理層更加容易下手！

不過炒0左0的舊人，其實工作進度明顯將會向下落，而且新人要上手，都要三個月至半年，想要每個月都交到數，都應該幾難! 就算新人上手後，都有機會會走人，所以應該會有一段"趕數"的日子!

有些唏噓!

十月回憶

(圖一) 清早的路上，葉上有露水!
(圖二) 呀...呀...同我工作好有關呀~~
(圖三) 迪迪尼酒店lobby的銅像!(設計對白：米奇我高過你架!)

慘！慘！慘！好似個blog已經變成了月記，這樣落去好似唔係咁好，
只會記載0的大節日，但係今個月都有好多事發生，真係好像講0下。

第一件好友ar ken返歸(雖然係上個月)
第二件迪迪尼
第三件format0左部機同終於buildup左部linux!
第四件事--我返0左半年工呀!!!!!
第五件0的舊同學竟然有音訊!

第一件冇錯ar ken返0黎香港係一件值得慶祝的事，但係最開心係約佢出0黎食飯，
終於可以到APM果間Suzuki Cafe食野，平時只有搭地鐵時對住間cafe，
我一直都勁喜歡佢個位置，但礙於佢0地係食甜品和飲野為主，
一個人幫襯好似好"樣"咁,從玻璃窗望返地鐵的月台上，
感覺使人覺得超享受，地上的「樓蟻」你們好呀！

第二件，姊姊生日(十月還有我阿爸同細妹生日，十月真係一個好不熱鬧的月份)，
提早放工就入去迪迪尼，迪迪尼樂園一切同預期的一樣，
但遇著「前員工事件」和「迪迪尼山火」，為玩樂的一日增添了些回憶，
最後今個月「荷包」又縮小了。

第三件，因為之前底版燒了，更換後系統後一直都唔穩定，所以決定重裝個系統，
花了好幾天的時間，更失去了outlook的"行事曆"，好慘!
不過重新裝後，即刻感覺到系統快0左!!
(其實裝翻0的軟件，咪又慢翻，騙自己!)
最後，把心一橫，裝多了部linux機做伺服器，現在仍然努力中!

第四件，應該唔止半年，應該係快八個月，返工後最大問題係....
我份糧從來都過唔到一個月，月月清~~
我仲要還幾耐loan~~好慘!city0的loan又0黎ar!!

第五件，今個月竟然有幾個舊同學搵我~~~
alex佢就到0左高雷做，真係好!
蘭丸就好似到0左中大做，仲好!
點解咁多人都搵學校工打?而我....仍然係做「清潔」!!悲!

中秋大食會

(圖一)大食會的桌面
(圖二)阿Tin和阿芯吃著月餅
(圖三)我買的雪糕月餅--二百幾蚊ga , 最後梗係大家夾返。

早來的大食會，有些人因此冇買食物，細工匆匆忙就到地鐵站買了桶kfc雞回來，
連carteen的抄飯，到最後反而有一半還在檯面。

點解~~點解佢0地食完，竟然仲可以去通宵唱K~~
點解佢0地咁好精力~~
點解我已經返屋企.....
......
...
..喂！我真係咁悶呀嗎，唔俾呀!

八月尾的回顧

今個月沖沖就過了，去過書展，又去過漫畫節。

只記得今年的夏天很熱，記得今年的夏天很大雨，
記得報銷一對鞋，又記得一個月買了雨把傘，
記得換了手提電話，亦記得自己荷包冇錢，
記得返早間時，經常打瞌睡，
記得電腦壞了一個星期的日子，
記得今年是我人生的第二次雞年生日，
記得很多，但未做的事其實仲多~~

---------------------------------------------------

今天八月三十號，是我轉返夜間的第一日，
所有的事好像循環，看著身旁剛ive畢業的同事，
我問自己我是否老了？應該老了，但還是很幼稚，
很多事想做，但為了生活，開始忙碌於工作，
亦可能迷失於工作，返工已經是不需要藉口的生活。

將收音機的耳機放進耳邊，半閉著雙眼，
心裡突然浮起揹起背包，穿著破舊的衣服，
穿過美國各州的鄉村小鎮，站在高速公路旁，
在烈日當空下...幻想。

雖然我只是一個英語很差的人、一個不會游水的人、
一個經常迷路的人、一個會暈車浪的人，
我都希望去一次無目的的旅行，用雙眼去捕捉更多的事情，
用雙手去了解更多的質感，用身體去體會更多的生活。

---------------------------------------------------
突然想起一個在外國遇見的香港人，
在機場工作，未拍過拖、冇家庭、冇負擔，
曾去過東歐、西歐、蘇聯，昨天還在美國紐約，
今朝早已經到加拿大吃早餐，下午就已經返美國滑雪~~
生活就是體驗！

蛋糕吉日 加 唔知點解的一天

(圖一)阿Joyce做的奶油橙蛋糕~~
(圖二)勁呀!蛋糕真係係勁呀!紅色係柚子橙!
(圖三)三位對蛋糕有疑惑的同事!

前天阿Joyce帶0左佢個製成品返公司，日班同通宵班的同事很少見聚集在地下的茶水間。講真個蛋糕都幾好食，不過大家就"冇叉用"，惟有用頭來遷就個蛋糕，大家都吃得好特別！

.....唔知點解，日日返工都好似好累~
.....唔知點解，公司0的新同事開始越來越多係0係IVE0黎，今個星期又會0黎多兩個IVE。
.....唔知點解，今日超黑仔，一早就遲0左起身，跟著搭車時發覺自己冇帶野到銀行，到觀塘後成個人都"空"0左，冇0左思想，0係觀塘行來行去，咁又浪費0左一日~~~
.....唔知點解，我竟然買0左套《方世玉與洪熙官》~~
.....唔知點解，我竟然花時間同電話做0左個theme ，雖然只係一般，不過都過得去~~

星期一的休息日

八月八日的抽血，好痛！

今日遲遲才起到身，手提電話顯示已經是十二點！
兩點才可以懵懵懂懂地離開家門， 到了觀塘吃了個早餐，搞了點私事，
都已經夠了預約時間去抽血！

這次抽血係為了打"預防肝炎針"，是家人強迫去打的！
看見針筒刺下來時，心裡確有離一離的感覺，
看見血流向針筒時，突然心裡暗說了一句：「唔好走，阿血!」

在醫療所足足花了一個鐘，離開時，已經係五點了！
好累，手臂有些痛，返家了！

漫畫節

八月一日，在漫畫節迫餐死的一日!

今日有免費漫畫節入場票，三點零鐘入場、五點零鐘走人，中間多數都是迫在人群間！
今日真係有好多後生仔！
今日我覺得自己老了！
今日我好想睡！

六月十一日後補日記

六月十一日，超級睛朗無雲

剛打完工，步出陽光下已使我感覺到夏日的空間，難得的端午節的一天假，已經被家人預約了，休息可能遙遙無期，更惶恐自己的工作大計，時間總是去得太快了。

回到家中，剛睡著就被細妹由美國打來的電話吵醒，說了兩句就掛線了，但她說話的聲線帶著不安。所以叫了阿哥再打去，才知道阿媽的第二份報告指出病情有變，現階段可能安排阿媽返香港，亦可能留在美國醫治，但疑於其他因素，暫未落下決定。

七時，去了大哥的家中做節，但出席的只有兩人，連大哥和大嫂則總共四人，好不熱鬧的聚餐。最後合四人之力，把?面的食物清了一半，拖著疲憊的身軀帶著戰利品(粽)回家。

六月十日後補日記

六月十日，剛下完雨

返工的時候，阿偉突然同我聊起工作的前景，而且訴說起了以前這裡風光的時候，甚樣英國電視台寄來的嘉許狀，外邊人甚樣 賞識這裡的工作，到現在的工廠式作業 等等．．．說0下．說0下．．說起擔心了將來搬新公司時前景的不明朗，如果栽員起來，二＋幾個員工再投入勞工市場，也不是很好笑的笑話。縱然現在市場雖然 轉 好，但從這裡會廢人武功的「陰間」回到陽間，並不是容易的事，所以阿偉都語重心長地勸我，有其他工作就盡快離開，免則浪費青春。

六月八日後補日記

六月八日，天氣晴朗。

時間改變了一切,空間還仍然是一樣。
使人抖不過氣來。

看不見使人氣悶的微雨，還好吧。
日子還不算難過，但望上天空中，明天可能仍然會下雨，帶定把傘子吧。

累了，身心累了！！

『清潔。』

我同別人講我的職業時，都只會簡潔地說出「清潔」二字，一個會 使人 聯想起「厭惡性工作」的名詞，每天用勞力換取些少微薄的薪金，返到家中只會累到躺在床，把家中的細務擱在一邊，明天又會從污穢的垃圾堆中爬起來，庸庸碌碌地匆出門口，拖著疲倦的身軀依傍著地鐵的車門，心裡明瞭到生活的苦悶，望出窗外盤算著 離開的念頭...

每當遇見舊朋友時，如果他們相信我做清潔時，我都不會細說工作的內容，因為他們相信我，亦可能我的樣貌似會做清潔工作 的人吧。但較熟絡的朋友有時會追問起來，當 他們明瞭了，有些會叫我辭職。但生活並不是我們可以選擇，隨著生活而工作可能會較隨性，我放棄了追逐，希望生活可以簡樸些，只想瞭解自己多一些。


五 月二十四日，在返通宵間時，在雜誌裡見到觀塘IVE的報導，想不到他們會開辦高清拍攝課程，是隨演藝學院後第二間購置HDCAM的院校，但文中錯誤百 出，Terrence慘變為孔少秋，而孔少秋慘被鏡頭遮住，真係一篇搞笑的文章，內容對HDCAM的詮釋更錯誤百出，只慨嘆香港雜誌水準不濟的事實。

星期五的回顧

上星期日匆匆忙忙趕去睇法國印象派畫展，成日都係到最尾時先走去睇，晨早起身，趕到時都已經係十一點幾，望到排隊的人潮 時，都已經心知不妙，果然在烈日下等了半個鐘先入到，但印象派的畫確實值得睇，縱然只係前期的畫。入到去，腦裡都只有馬奈、莫奈、Edgar呀~~但藝術 館確實很多人，最慘係四週都是一家大少，如果藝術館平時有咁多人就好la，表示香港原來有咁多喜歡藝術的人，法國的印象派畫家們都可以值得安息。

足月呀，足月呀，返了一個月工了，大致上都沒有大問題！最多做死0者(只係昨天做了的工作，今天返去冇晒0者，唔係大問題，我用三個小時做返晒)。下星期 又會有新人加入，而且聽講下星期，我返緊的第二間會差不多全部係女性，只得四、五個係男性~~~我會冇話題ga，我會悶死ga~~~>.< ~~

返了第十天的工

故事：
古時有隻初生的鳳凰，鳳凰害怕降落地面，所以每當伸出翅膀，拍動雙翼時，跌 落地上的影像就會出現腦海中。所以跳起了，但飛不起來，又落在地上。不斷的跳、 不斷的嘗試，年月過去，我們認識的鳳凰就這樣變成了一隻肥雞，其實鳳凰本質並沒有改變，只是不懂飛，才會改變了牠，鳳凰就在人類腦中失去了。


返了接近兩星期的工，好累！
工作環境不錯，鳥魚花香，但係好多人食煙，遲早我未做死，肯定會生肺癌死。最重要係這份明顯是一份"廢武功"的工作，每天都要交數~~
但這份工作使我可以接觸很多不會接觸的人，吸煙、飲酒、賭馬、講女人~~食晚飯時，日日"手羅"著份鹹報睇~~
我深信賺多一個月人工，唔需要過試用期，我肯定會走人~~

返工了~~

我境然會返工，而且已經第三天，想起之前定的計劃，好像遙遠的空話，開始有少少討厭自己，惟有在上班前繼續努力！我唔想放棄，因為好像放棄了自己的夢想~~
而家0黎份工係返shift，而且仲係夜間，同屋企人0的生活時間撞哂，希望唔好影響佢0地！鬼叫自己無錢，雖然人工唔算多，但有收入呀，"鬼叫你窮呀,頂硬上la"~~~

來來回回~~

同屋企人食完午飯後，就行了陣街，跟著就搭了船過海返屋企！
輪船是我最喜歡的交通工具，係一種冇考慮效率，思想單純的結晶，搭著會暖暖的~~
地鐵是我最討厭的交通工具，甚麼都是冰冷，車箱是冷的、人是冷的、連空氣都是冷的~~

近幾天的天氣都係維持寒冷，我每天都差不多都躲在被...(喂!!更係唔係啦!!雖然我係冇咩野做過，而且我係一凍就冇戰鬥力的人。但事實上是我想躲懶，都冇咩時間俾我躲得好長呀~~)
等我數0下自己做過0的咩:
1.只係send了一次，就搵到工，十四號返工~~(唔通香港真係經濟好轉)
2.交屋租、交電話費、交錢...(我已經覺得自己好窮)
3.打掃、洗衫...(返工後就唔駛做，希望)
4.幫朋友做野(點解佢0地成日喜歡一齊0黎~~)
5.總有交application form~~
雖然唔多，但仲有很多其他雜碎ga野要做，我平生就係唔喜歡做咁多雜碎的事(見我檯頭就可略知一二，好亂)，神係~~我希望我返工後，可以適應到~~而且賜予時間同心機俾我繼續創作~~(最少可以努力寫日記)

十四號返工後，就不會再看見灣仔人來熙往的情境，有些少懷念以前的日子，同舊同學柴娃娃打工的時間，是歡愉的。但我需要成長、需要經歷、需要更多瞭解自己...識多些人、見多些事、去多些地方，可能是我離開校門後最希望做的事~~

拜年的日子

睇0下我0的第二代表弟妹做咩--打機(同我以前新年時候差唔多)
你0地遮住塊面都無用la，認得你ga~~

這幾天都是去0的親戚家拜年，其實也不是太過忙碌，只是俾0的第二代表弟妹煩0者，喂~~你0地好快0的長大呀，唔好再成日大叫大攘，如果唔係我終有一天我會....扮傻.....扮瘋..扮無知~~~到時你就怕呀...

講真拜年講開0的話題都差不多，但我0地呢一輩，長輩又未到長輩，後輩又有一班後過我0地，所以0黎到親戚屋企，就唯有利用我0地僅有的權力，佔用了表弟部電腦，縱然部電腦唔快，我0地都要打翻一兩舖game，正所謂新年新氣象ma~~

跟著在某親屬的家中，竟然發現了美國版的"超能特攻隊"DVD(香港剛上，美國版呀~~心照la~~)，原本係我新年最想上戲院睇的電影，而家竟然有得睇，算la，省番一筆~~~我0地表兄弟姊妹就霸佔0左個客廳0黎睇戲，長輩??長輩當然繼續攻打四方城~~

除了拜年外，其他時間都是閒置在家，但不代表可以優閒度日，我要打掃、洗碗、洗衫等，比出街拜年仲辛苦，阿媽!!I miss U~~~

年廿八~~

Jesus~~
年廿八，以前都是母親負責所有清潔，而我則從旁協助。現在全部都是我搞點晒──廚房、客廳、廁所~~~搞到夜晚都未搞點，希望明天可以搞點，母親我好掛念妳呀!!!!

我的大哥！你就打機打足成日，我會記住你0架~~(阿飛正傳--要記得0既，我一定會記得!!)

重新努力的第一天

去舊金山上機前攝影

今天終於開始做自己0的野，希望新年前可以知道做唔做到，如果做唔到就要放棄ar~~~
God bless me~~~

新的一天

十二月去舊金山前的香港機場

從舊金山回來後一個月，每天都只懂躲在家中，像迷失在大都會的孩子，寒冬時只懂縮在街角的被窩裡，真係有些像失去了甚麼，這一刻想不通，可能某日走著走著就會知道，我想更瞭解自己，但又需要幾多時間...只有等著...等著..某天..

我需要新的一天，縱然只有一天。